Salidarnyja biełarusy zavalili žonku błohiera MozgON zamovami na viazanyja rečy na dva hady napierad
Tolki ŭčora u sacsietkach i telehram-kanałach raźmiaścili prośbu padtrymać chend-mejd-biznes žonki palitviaźnia Uładzimira Cyhanoviča, viadomaha jak błohier MozgOn, jak za sutki Natallu prosta zavalilili zamovami na viazanyja rečy. A kolkaść padpisantaŭ jaje instahrama chutka vyrasła amal u čatyry razy.
Natalla pryznajecca, što nie adrazu zrazumieła, čamu na jaje źnianacku pasypalisia dziasiatki paviedamleńniaŭ.
«Paŭdnia syšło tolki na toje, kab zrazumieć, što adbyvajecca. Ja navat nie mahu paličyć — moža, 100 zamoŭ, a, moža, i 200 pastupiła. Fizična nie paśpiavaju ŭsio pračytać i ŭsim adkazać. Tamu apublikavała post, dzie prašu stavicca z parazumieńniem da taho, što maje mahčymaści abmiežavanyja.
Pa padlikach žančyny, šapak, paviazak, snudaŭ u jaje zamovili na dva hady napierad. Sprava ŭ tym, što viazać Natalla moža tolki ŭ volny ad asnoŭnaj pracy čas:
«Hod tamu ja jak ramieśnik zajmałasia tolki viazańniem, času było bolš. Ciapier ža biaru prutki ŭ ruki tolki paśla pracy na paru hadzin dy na vychodnych: treba ž i adpačyć, i niejkuju chatniuju pracu zrabić, i dačce čas pryśviacić. Tak što ŭ pieršuju čarhu adkazvaju tym ludziam, jakija zamaŭlali niešta na padarunak, dzie važnaja apieratyŭnaść. A ŭžo inšym adpišusia paźniej, kali jašče budzie aktualna».
Ahułam Natalla viaža z vaśmi hod: hetamu jaje navučyła maci.
«Užo ŭ starejšych kłasach pačali źjaŭlacca časopisy Burda, adkul my brali prykłady, natchnieńnie. Nabyć modnaje adzieńnie asabliva mahčymaściaŭ nie było, tamu ŭsio viazałasia svaimi rukami — ad švedraŭ da šalikaŭ».
Niahledziačy na toje, što muž Natalli znachodzicca za kratami ź leta, jana trymajecca pazityŭna.
«Ja aptymist, usio ŭ nas budzie narmalna. Afarmlajem pieradački, dva razy na tydzień pišam mužu listy. Dasyłajem razam z dačkoj malunki, fotazdymki — treba čałavieka padtrymlivać. Ad jaho taksama prychodzić niedzie dva listy na tydzień. Dačka, darečy, dla svaich 6 hod razvažaje pa-darosłamu. Jana ŭsio razumieje: baćka zatrymany.
Natalla adznačaje, što jana — čałaviek zusim nie publičny, tamu joj niajomka ad takoj uvahi i vialikaj kolkaści prapanoŭ dapamohi.
«Zamovy na prostyja viazanyja rečy ja pastupova apracuju. Niechta prapanoŭvaŭ nam adrazu i hrošy, ale ad takoha ja admaŭlajusia. U nas nie nastolki ŭsio drenna: ja pracuju, zarablaju. Chapaje biełarusaŭ, jakim finansavaja dapamoha kudy bolš aktualnaja, ja ščyra tak liču», — kaža Natalla.
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary