Усяго патроху

Салідарныя беларусы завалілі жонку блогера MozgON замовамі на вязаныя рэчы на два гады наперад

Толькі ўчора у сацсетках і тэлеграм-каналах размясцілі просьбу падтрымаць хэнд-мэйд-бізнэс жонкі палітвязня Уладзіміра Цыгановіча, вядомага як блогер MozgOn, як за суткі Наталлю проста завалілілі замовамі на вязаныя рэчы. А колькасць падпісантаў яе інстаграма хутка вырасла амаль у чатыры разы.

Наталля прызнаецца, што не адразу зразумела, чаму на яе знянацку пасыпаліся дзясяткі паведамленняў. 

«Паўдня сышло толькі на тое, каб зразумець, што адбываецца. Я нават не магу палічыць — можа, 100 замоў, а, можа, і 200 паступіла. Фізічна не паспяваю ўсё прачытаць і ўсім адказаць. Таму апублікавала пост, дзе прашу ставіцца з паразуменнем да таго, што мае магчымасці абмежаваныя.

Па падліках жанчыны, шапак, павязак, снудаў у яе замовілі на два гады наперад. Справа ў тым, што вязаць Наталля можа толькі ў вольны ад асноўнай працы час:

«Год таму я як рамеснік займалася толькі вязаннем, часу было больш. Цяпер жа бяру пруткі ў рукі толькі пасля працы на пару гадзін ды на выходных: трэба ж і адпачыць, і нейкую хатнюю працу зрабіць, і дачцэ час прысвяціць. Так што ў першую чаргу адказваю тым людзям, якія замаўлялі нешта на падарунак, дзе важная аператыўнасць. А ўжо іншым адпішуся пазней, калі яшчэ будзе актуальна».

Агулам Наталля вяжа з васьмі год: гэтаму яе навучыла маці.

«Ужо ў старэйшых класах пачалі з’яўляцца часопісы Burda, адкуль мы бралі прыклады, натхненне. Набыць моднае адзенне асабліва магчымасцяў не было, таму ўсё вязалася сваімі рукамі — ад швэдраў да шалікаў».

Нягледзячы на тое, што муж Наталлі знаходзіцца за кратамі з лета, яна трымаецца пазітыўна.

«Я аптыміст, усё ў нас будзе нармальна. Афармляем перадачкі, два разы на тыдзень пішам мужу лісты. Дасылаем разам з дачкой малюнкі, фотаздымкі — трэба чалавека падтрымліваць. Ад яго таксама прыходзіць недзе два лісты на тыдзень. Дачка, дарэчы, для сваіх 6 год разважае па-даросламу. Яна ўсё разумее: бацька затрыманы.

Наталля з дачкой у аксэсуарах, звязаных сваімі рукамі
Наталля з дачкой у аксэсуарах, звязаных сваімі рукамі

Наталля адзначае, што яна — чалавек зусім не публічны, таму ёй няёмка ад такой увагі і вялікай колькасці прапаноў дапамогі.

«Замовы на простыя вязаныя рэчы я паступова апрацую. Нехта прапаноўваў нам адразу і грошы, але ад такога я адмаўляюся. У нас не настолькі ўсё дрэнна: я працую, зарабляю. Хапае беларусаў, якім фінансавая дапамога куды больш актуальная, я шчыра так лічу», — кажа Наталля.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Па адчуваннях, хварэюць усе»: педыятр пра сітуацыю з грыпам у Беларусі2

«Па адчуваннях, хварэюць усе»: педыятр пра сітуацыю з грыпам у Беларусі

Усе навіны →
Усе навіны

Паліцыя Дубая: 20-гадовая мадэль з Украіны ўпала з вышыні на будоўлі21

Памёр славуты баксёр-цяжкавагавік Джордж Форман1

Следам за дубайскім шакаладам у Беларусь прыходзяць «анёльскія валасы»3

Як выглядаюць чэргі на маршруткі з Мінска ў Барысаў і Жодзіна ВІДЭА5

Памятаеце стваральніка адыёзнага сайта «Літкрытыка», які быў палітвязнем? Здаецца, яго арыштавалі зноў3

Для бібліятэкі імя Караткевіча ў Рагачове закупляюць тысячы кніг, але ніводнай на беларускай мове16

Блогеру Мэлстрою адправілі позву на допыт у пасольства Расіі ў Чарнагорыі3

У Мінску сталі прадаваць бярозавы сок

Пяскоў сказаў, што Бедрос Кіркораў прайшоў Вялікую Айчынную вайну. Але таму было 9 гадоў у 1941-м22

больш чытаных навін
больш лайканых навін

«Па адчуваннях, хварэюць усе»: педыятр пра сітуацыю з грыпам у Беларусі2

«Па адчуваннях, хварэюць усе»: педыятр пра сітуацыю з грыпам у Беларусі

Галоўнае
Усе навіны →

Заўвага:

 

 

 

 

Закрыць Паведаміць