Rene Faziel: Ja ŭpeŭnieny, što my jašče arhanizujem ČS u Biełarusi, kali situacyja budzie bolš spakojnaj
Prezident IICHF Rene Faziel padzialiŭsia z TASS mierkavańniem ab praviadzieńni ČS-2021 u Minsku.
— Vy ŭpeŭnienyja, što Łatvija zmoža adna pravieści čempijanat śvietu z ulikam taho, što ŭ jaje tolki adna arena vysokaha ŭzroŭniu? Hienieralny sakratar łatvijskaj Fiederacyi raspavioŭ, što ŭ krainie chočuć pabudavać jašče adzin stadyjon za karotkija terminy.
— Tak, heta tak, heta budzie časovy pałac. My razhledzim usie varyjanty: i z Łatvijaj, i sa Słavakijaj, i z Danijaj, a potym prymiem rašeńnie. Ale da taho, jak my prymiem rašeńnie pa Biełarusi, my pavinny vykazać vialikija słovy padziaki biełaruskamu narodu.
— Vy zhodnyja sa śćviardžeńniem, što ŭ vypadku admieny turniru ŭ Minsku IICHF patrapić u niaprostuju finansavuju situacyju?
— Kali nam daviadziecca hulać biez hledačoŭ, to treba budzie padzialicca dachodami z arhanizatarami. Nam treba znajści najlepšy z mahčymych kampramisaŭ ź imi i ŭličyć intaresy abodvuch bakoŭ.
— IICHF znachodzicca ciapier pamiž dvuch ahnioŭ: z adnaho boku, palityčny cisk, a z druhoha — imaviernaść vialikich finansavych strat u suviazi ź pieranosam turniru ź Minska. Jak vy heta adčuvajecie sami?
— Zhodny, palityčny i finansavy cisk adčuvajucca. Ja dumaju, što pravieści turnir u Minsku budzie vielmi składana.
— Ci mahčyma ŭ hetaj suviazi padumać ab tym, kab, naprykład, pravodzić čempijanat śvietu raz na dva hady?
— Nie, na farmat hetaja situacyja nijak nie ŭpłyvaje — turniry buduć prachodzić štohod. Ja ŭpeŭnieny, što my jašče arhanizujem čempijanat śvietu ŭ Biełarusi, kali situacyja budzie bolš spakojnaj. Kali situacyja narmalizujecca, IICHF zrobić usio mahčymaje, kab pravieści čempijanat śvietu ŭ Minsku jak maha chutčej, — skazaŭ Faziel.
Kamientary