Рэнэ Фазель: Я ўпэўнены, што мы яшчэ арганізуем ЧС у Беларусі, калі сітуацыя будзе больш спакойнай
Прэзідэнт ІІХФ Рэнэ Фазель падзяліўся з ТАСС меркаваннем аб правядзенні ЧС-2021 у Мінску.
— Вы ўпэўненыя, што Латвія зможа адна правесці чэмпіянат свету з улікам таго, што ў яе толькі адна арэна высокага ўзроўню? Генеральны сакратар латвійскай Федэрацыі распавёў, што ў краіне хочуць пабудаваць яшчэ адзін стадыён за кароткія тэрміны.
— Так, гэта так, гэта будзе часовы палац. Мы разгледзім усе варыянты: і з Латвіяй, і са Славакіяй, і з Даніяй, а потым прымем рашэнне. Але да таго, як мы прымем рашэнне па Беларусі, мы павінны выказаць вялікія словы падзякі беларускаму народу.
— Вы згодныя са сцвярджэннем, што ў выпадку адмены турніру ў Мінску ІІХФ патрапіць у няпростую фінансавую сітуацыю?
— Калі нам давядзецца гуляць без гледачоў, то трэба будзе падзяліцца даходамі з арганізатарамі. Нам трэба знайсці найлепшы з магчымых кампрамісаў з імі і ўлічыць інтарэсы абодвух бакоў.
— ІІХФ знаходзіцца цяпер паміж двух агнёў: з аднаго боку, палітычны ціск, а з другога — імавернасць вялікіх фінансавых страт у сувязі з пераносам турніру з Мінска. Як вы гэта адчуваеце самі?
— Згодны, палітычны і фінансавы ціск адчуваюцца. Я думаю, што правесці турнір у Мінску будзе вельмі складана.
— Ці магчыма ў гэтай сувязі падумаць аб тым, каб, напрыклад, праводзіць чэмпіянат свету раз на два гады?
— Не, на фармат гэтая сітуацыя ніяк не ўплывае — турніры будуць праходзіць штогод. Я ўпэўнены, што мы яшчэ арганізуем чэмпіянат свету ў Беларусі, калі сітуацыя будзе больш спакойнай. Калі сітуацыя нармалізуецца, ІІХФ зробіць усё магчымае, каб правесці чэмпіянат свету ў Мінску як мага хутчэй, — сказаў Фазель.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары