Uzimku samy čas zapasacca vitaminam C, na jaki bahaty cytrusavyja. Prosty ŭ hatavańni apielsinavy piroh z nasyčanym limonnym kremam nie tolki cudoŭny łasunak, ale i krynica važnych dla imunitetu vitaminaŭ.
Fota BBCgoodfood
Voś, što vam spatrebicca.
Dla piraha:
- 170 h masła
- 150 h cukru
- 2 jajki
- 70 h hrečaskaha johurtu
- 150 h muki
- 50 h mołataha mindalu
- 1 vialiki apielsin (cedra)
- 3 stałovyja łyžki małaka
Dla kremu:
- 100 h masła
- 3 jajki
- 200 h cukru
- 3 limony
- Kab pryhatavać limonny krem, spačatku vyciśnicie sok ź limonaŭ. Uźbicie jajki z cukram miksieram, dadajcie rastałaje masła i limonny sok. Uźbicie jašče raz.
- Nalicie vady ŭ kastrulu i pastaŭcie jaje na ahoń. Kali vada zakipić, pamienšycie ahoń i pastaŭcie źvierchu na kastrulu misku z uźbitymi dla kremu inhrydyjentami. Pamiešvajcie krem na praciahu 15-20 chvilin, pakul jon nie zahuścieje. Pakińcie krem astudžvacca.
- Pakładzicie masła, cukar, jajki, muku, zmołaty mindal, apielsinavuju cedru, 5 stałovych łyžak limonnaha kremu ŭ adnu vialikuju misku. Dadajcie johurt i małako. Usio ŭźbicie da adnarodnaj masy.
- Razahrejcie duchoŭku da 180 hradusaŭ. Zaścialicie formu dla vypiečki antypryharnym pierhamientam. Vykładzicie pałovu ciesta na formu, źvierchu dadajcie 5 stałovych łyžak limonnaha kremu, a paśla vykładzicie astatniaje ciesta.
- Vypiakajcie apielsinavy piroh na praciahu 50 chvilin da załacistaha koleru.
Smačna jeści!
«Ciabie b baćka praklaŭ»: u Barysavie šyrycca sapraŭdnaja pryčyna maŭčańnia Hienadzia Skitava, centralnaj fihury «małočnaj spravy»2
Kamientary