Na adkryćcio pracesu pryšli sotni ludziej, kab pakazać svaju salidarnaść sa źmieščanym za kraty z 25 sakavika palitykam. Adnak u budynak sudu zmahli patrapić tolki adzinki.
Na adkryćcio pracesu pryšli sotni ludziej, kab pakazać svaju salidarnaść sa źmieščanym za kraty z 25 sakavika palitykam. Adnak u budynak sudu zmahli patrapić tolki adzinki.
Siońnia ŭ sudzie Maskoŭskaha rajona Minska pačaŭsia praces nad eks-kandydatam u prezidenty Biełarusi Alaksandram Kazulinym, jakoha abvinavačvajuć u chulihanstvie, a taksama ŭ arhanizacyi i padrychtoŭcy dziejańniaŭ, što hruba parušajuć hramadski paradak. Na adkryćcio pracesu pryšli sotni ludziej, kab pakazać svaju salidarnaść sa źmieščanym za kraty z 25 sakavika palitykam. Adnak u budynak sudu zmahli patrapić tolki adzinki. Navat kiraŭnikoŭ dypłamatyčnych misij krain Jeŭrasajuza vartaŭniki paradku spačatku nie žadali puskać u rajonny Pałac pravasudździa.
Ad samaj ranicy la budynku Maskoŭskaha rajsudu chvalavaŭsia natoŭp, a achova imknułasia ačyścić prylehłuju terytoryju.
AMAP:
«Adychodzim nazad ad dźviarej, spuskajemsia z hanka!.. - Vy puskać budziecie abo nie? Hramadzianie, adydzicie...»
U natoŭpie apynulisia zacisnutymi i zamiežnyja dypłamaty. Jak paźniej paviedamiŭ žurnalistam pasoł Hiermanii Marcin Chiekier, jamu pryjšłosia paskardzicca na pieraškodu ŭ biełaruskaje źniešniepalityčnaje viedamstva:
«Heta niezvyčajna! Heta, ja dumaju, dla ambasadaraŭ nie tak časta byvaje. My infarmavali MZS, my pasłali notu i jany padrychtavali, moža być, pryjom dla nas… Ja patelefanavaŭ u MZS, ja skazaŭ, što ŭ nas maleńkija pieraškody isnujuć, i ja havaryŭ z kiraŭnikom adździeła Jeŭropy».
Tolki paśla hetaha dypłamataŭ prapuścili. Pasolstva FRH, jakaja zaraz ździajśniaje funkcyi miascovaha staršynstva Jeŭrapiejskaha sajuza, siońnia raspaŭsiudziła zajavu: «Pradstaŭnictvy krain ES buduć nazirać za chodam sudovaha pracesu nad Alaksandram Kazulinym, a taksama za inšymi sudovymi pracesami i rabić spravazdačy ab hetym svaim uradam», - havorycca ŭ dakumiencie.
«Kiraŭniki dypłamatyčnych misij krain Jeŭrasajuza, pradstaŭlenych u Minsku, prysutničali siońnia na adkryćci sudovaha pracesu nad Alaksandram Kozulinym, - adznačajecca ŭ paviedamleńni. - Jeŭrapiejski Sajuz pa-raniejšamu zacikaŭleny ŭ tym, kab Biełaruś vykonvała svaje mižnarodnyja abaviazalnictvy, u tym liku, u halinie pravoŭ čałavieka i asnoŭnych palityčnych svabodaŭ, a taksama nie izalavali siabie ŭ Jeŭropie».
Pradstaŭniki presy nie zmahli patrapić na pačatak sudovaha pracesu, u suviazi z čym Marcin Chiekier adznačyŭ, što heta drenna, i jon nie ŭpeŭnieny, što heta adpaviadaje mižnarodnym standartam. Pasoł Chiekier raspavioŭ, jak prafiesar Kazulin pavodziŭ siabie na pačatku pracesu:
«Vielmi važna, što my možam nazirać heta praces. Heta dobra, što nas dapuścili. Ja Kazulina bačyŭ, jon nas pryvitaŭ, bo my ŭsio viedajem jaho, tamu što heta zadača ambasadaraŭ paznajomicca z kandydatami i, viadoma, my časta havaryli ź im, jon byŭ u Hiermanii, jon sustreŭsia z maim kiraŭnictvam».
Padtrymać Kazulina pryjšoŭ i adzin ź lideraŭ biełaruskaj apazicyi Alaksandr Milinkievič, ale jaho ŭ budynak sudu nie prapuścili. U intervju «Niamieckaj chvali» sp. Milinkievič adznačyŭ:
«Ja pryjšoŭ, bo liču svaim maralnym abaviazkam padtrymać Kazulina, jaki byŭ taksama kandydatam u prezidenty. Liču, što heta absalutna niezakonnaje zatrymańnie. Heta była mirnaja demanstracyja, chacia ja byŭ suprać jaje. Ale kali siońnia jon za kratami, i jamu pahražaje zaklučeńnie ŭ turmu, ja salidarny ź im i padnimaju hetaje pytańnie na ŭsich uzroŭniach i liču, što i jon, i inšyja palityčnyja viaźni pavinny być vyzvalenyja.
Ja liču, što sud faktyčna zakryty, tamu što ŭłada adčuvaje siabie niaŭpeŭniena. Ułada viedaje, što zakon tut nie pryčym, i tamu nie choča zrabić narmalny publičny sud».
Pryjšoŭ vykazać salidarnaść z Kazulinym i jaho palityčny apanient Mikoła Statkievič, jaki atrymaŭ vodpusk u siabie na «chimii». Nahadajem, raniej adbyŭsia dramatyčny raskoł uznačalenaj Statkievičam sacyjał-demakratyčnaj partyi, i častka partyjcaŭ, jakaja syjšła pad kiraŭnictva Kazulina, Miniust Biełarusi pryznaŭ pravapierajemnicaj usioj partyi.
Mikoła, ŭ vas nie vielmi prostyja adnosiny z Kazulinym. Tym nie mienš, jak tolki vy atrymali adpačynak, vy pryjechali siudy, na pačatak suda. Jak vy možacie heta prakamientavać?
«Ničoha asabistaha. Ja nie mahu vyznačyć staŭleńnie da sp. Kazulina jak da palityka. Ale jość čałaviek, jaki niezasłužana i niespraviadliva apynuŭsia pad aryštam i ŭ sudzie. I kali my demakraty, to my pavinny abaraniać hetaha čałavieka i patrabavać jaho vyzvaleńnia».
Tym časam, praces nad Kazulinym pačaŭsia. Sud adchiliŭ usie chadajnictvy padsudnaha i jaho abarony, a potym vydaliŭ z zały publiku. Heta zdaryłasia paśla taho, jak u zale zaśmiajalisia nad słovami dziaržaŭnaha abvinavaŭcy, jaki zajaviŭ, što videazdymka ŭ zale sudu budzie parušać paradak pracesu, a dačka Kozulina nie moža pradstaŭlać intaresy abarony, bo nie maje advakackaj licenzii, choć zakon hetaha i nie patrabuje. U druhoj pałovie dnia praces praciahnuŭsia.
Ciapier čytajuć
Zakinutuju siadzibu Bahdanovičaŭ pierarobiać u bucikovy hatel FOTY6
Kamientary