Mužčynskaja zbornaja Biełarusi pa handbole prajhrała zbornaj Słavienii matč adboračnaha turniru da Čempijanatu Jeŭropy ź likam 26:38, paviedamlaje Priessboł.
Hulali kamandy ŭ Lublanie. Paśla pieršaha tajmu biełarusy sastupali 13:17.
Siońnia zbornaja Niamieččyny razhramiła ŭ haściach Bałharyju ź likam 54:29.
***
Turnirnaje stanovišča: Niamieččyna – 10 (5 hulniaŭ), Słavienija – 8 (5), Biełaruś – 6 (5), Izrail – 4 (6), Bałharyja – 0 (7).
13 červienia (subota): hulajuć Biełaruś – Bałharyja (matč projdzie ŭ Minsku, Pałac sportu, pačatak a 17-j), Niamieččyna – Słavienija;
17 červienia: Słavienija – Izrail, Niamieččyna – Biełaruś (matč u Štutharcie),
21 červienia: Izrail – Niamieččyna, Biełaruś – Słavienija (Minsk, Pałac sportu).
Na finalny turnir Čempijanata Jeŭropy, što projdzie ŭ Aŭstryi, traplajuć dźvie najlepšyja kamandy z hrupy. Najchutčej, što niemcy sabie pucioŭku na finał užo zabraniravali. I druhuju pucioŭku akurat mielisia razyhrać zbornyja Słavienii i Biełarusi.
Stanovišča našych handbalistaŭ paśla bujnoj parazy ŭ Lublanie ŭskładniłasia.
Što treba biełarusam.
U hetu subotu vyjhrać doma ŭ ladaščych bałharaŭ (jany prajhrali ŭsie siem matčaŭ z treskam), pastaracca začapić choć adzin bał u Niamieččynie (a to i vyjhrać). Kali ž prajhrać niemcam, to słaviencaŭ daviadziecca pieramahać u Minsku z roźnicaj u 13 miačoŭ. :(
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary