Hanna Sieviaryniec pra biełaruski pratest: Heta hłabalny zruch, jak jon zdźmiecca? VIDEA
Hanna Sieviaryniec — piedahoh, daśledčyca litaratury, piśmieńnica — stała novym hierojem intervju Mikity Miełkaziorava na kanale «Žyćcio-malina». U razmovie Hanna padzialiłasia svaim bačańniem budučyni biełaruskaha pratestu.
«Hety pratest takoha kštałtu, što nie moža zdźmucca, jon ubudavany ŭ heta hramadstva, u histaryčnuju situacyju, u suśvietnyja intelektualnyja trendy, ekzistencyjna. Ja na hety pratest nie mahu hladzieć inakš, jak na toje, što, naprykład, raka ciače — jon absalutna naturalny. I toje, jak jon prachodzić, i toje, što jon nie moh nie zdarycca.
Mała taho, što jon uklučany ŭ 30-hadovy cykł, pra jaki tolki lanivy nie napisaŭ: z 1795 hoda na Biełarusi kožnyja 30 hod (plus-minus hod) niešta takoha kštałtu adbyvajecca. Jon tak zaryfmavany z usim, navat z zoaabaronnym rucham: jon zrabiŭ vielmi šmat dla taho, kab hety pratest byŭ, i byŭ mienavita takim.
Usie hetyja modnyja sučasnyja dyskursy pra victim blaming, pra abjuz, pra charasmient — heta ŭsio absalutna dakładna rychtavała ciapierašni praces, bo ŭ nas ža praces nie zusim palityčny, heta prosta tryhieram stała, — u nas mianiajecca farmacyja śvietaŭsprymańnia, maniera isnavać u prastory. Heta hłabalny zruch, jak jon zdźmiecca, kali jon abumoŭleny raźvićciom čałaviectva?
Ja adnaznačna vieru ŭ pieramohu. Zrazumieła, ja byvaju, jak i ŭsie, na arelach, asabliva viečaram, kali stomišsia, akažašsia ŭ poŭnym adčai, ale nie tamu, što nie budzie pieramohi, a tamu, pa-pieršaje, što ludzi pakutujuć, i tamu, pa-druhoje, što vyłazić stolki hadaści ŭ ludziach. Ty razumieješ, što jana jość u ludziach i była, ale nazirać jaje fizična vielmi ciažka. Jak Źmicier Daškievič kaža mnie: «Ujavi sabie, jakaja ciapier adbyvajecca myjka!»
Čałaviek ža takaja istota, jon moža pražyć 80 hod — i nichto nie budzie viedać, što ŭ im siadzić hadaŭka. I jon sam pra siabie hetaha nie budzie viedać. A tut raz — i jaho vylezie absalutna ŭ dzikim vyhladzie. I jano ciapier z usich vyłazić: i hadaŭki, i hieroi — usio najlepšaje i najhoršaje. I pieražyć heta vielmi ciažka. A tak pieramoha abaviazkova budzie, abaviazkova».
«Niejkaja šval u Hrodnie». Marzaluk prajšoŭsia pa Bondaravaj i jaje paplečnikach21
Kamientary