Ministr infarmacyi Piarcoŭ: Pryjšoŭ čas abmiežavańniaŭ i zabaron, a moža — i pakarańniaŭ
Novy ministr infarmacyi Uładzimir Piarcoŭ u efiry «Kłuba redaktaraŭ» spačatku skazaŭ, što Mininfarm nie pieratvorycca ŭ represiŭny orhan. Ale paśla ŭdakładniŭ, što pryjšoŭ čas «prymać abmiežavalnyja, zabaranialnyja miery».
«Kazać pra toje, što Mininfarm pieratvorycca ŭ niejki represiŭny orhan, jaki budzie zajmacca vyklučna vyšukvańniem niejkich momantaŭ i pieraśledam vydańniaŭ albo asobnych žurnalistaŭ — heta nie zusim pravilna. A voś pryvieści pracu našaha orhana dziaržkiravańnia ŭ adpaviednaści z patrabavańniem času, z tymi vyklikami, jakija ciapier u našaj śfiery źjavilisia… Viedajecie, takich transfarmacyj miedyjaindustryi my nie možam zhadać, napeŭna, na praciahu apošnich 10 hadoŭ. I jak vyśvietliłasia, naša zakanadaŭstva nie zusim adekvatna takim vyklikam. My pahladzieli, adpaviednyja źmieny ŭ novym zakonie — jany buduć adpaviadać tym vyklikam i pahrozam, ź jakimi my sutyknulisia. Ale, znoŭ ža, heta nie dohma, pakolki śfiera mianiajecca i napeŭna ž buduć novyja źmianieńni. Ale ja nie pra heta.
Usio ž taki pryjšoŭ čas rasstavić usie kropki nad «i», pryjšoŭ čas usie hetyja dziejańni, jakija kłasifikujucca ŭ cyvilizavanych krainach jak dziejańni, jakija jak minimum nanosiać škodu i niasuć pahrozu dziaržavie i hramadstvu, hetaksama kłasifikavać u našaj krainie i prymać adpaviednyja miery abmiežavalnyja, zabaranialnyja, moža być niejkaje pakarańnie za heta. Mnie zdajecca, čas pryjšoŭ», — zajaviŭ Piarcoŭ.
Eks-dyrektara pradstaŭnictva telekampanii «Mir» u Biełarusi Uładzimira Piarcova pryznačyli ministram infarmacyi 5 krasavika. Jon źmianiŭ na pasadzie Ihara Łuckaha, jaki pajšoŭ na pavyšeńnie ŭ namieśniki kiraŭnika Administracyi prezidenta.
Čytajcie taksama: Piać faktaŭ pra novaha ministra infarmacyi Uładzimira Piarcova
Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»18
Kamientary