Hidrahiel — novaja technałohija ŭ sielskaj haspadarcy dla zasušlivych rehijonaŭ
Hidrahiel moža całkam zamianić tradycyjnyja mietady arašeńnia.
Zasušlivyja rehijony zdaŭna byli prablemaj dla sielskaj haspadarki, bo niedachop vady časta pryvodzić da nieŭradžaju. Adnak navukoŭcy raspracavali novuju technałohiju, jakaja moža dapamahčy vyrašyć prablemu ź niedastatkovaj vilhotnaściu hleby.
Hidrahiel — heta palimierny materyjał, jaki ŭ vialikaj kolkaści moža pahłynać vilhać, a zatym pastupova jaje addavać. Hety nietaksičny materyjał moža zachoŭvać svaje ŭłaścivaści ŭ hlebie pry lubych tempieraturnych umovach na praciahu piaci hadoŭ. Zatym materyjał całkam raspadajecca na vuhlakisły haz, vadu i azot.
Palimierny hidrahiel pahłynaje vadu i ŭtrymlivaje jaje na adnym uzroŭni z karaniami. Zatym vilhać pavolna vyzvalajecca ŭ adpaviednaści z patrebami raśliny, u vyniku čaho sielskahaspadarčyja kultury atrymlivajuć dastatkovuju kolkaść vady.
Jak śćviardžajuć fiermiery, vykarystańnie takoj technałohii dapamahaje pavialičyć uradžaj udvaja, a vady dla hetaha patrabujecca značna mienš.
Hidrahiel u sielskaj haspadarcy źjaŭlajecca pierśpiektyŭnym mietadam vyrašeńnia prablem, źviazanych ź niedachopam vady ŭ hlebie. Niderłandy, ZŠA, Aŭstralija i niekatoryja krainy Piersidskaha zaliva ŭžo pryznali hidrahiel jak najlepšuju zamienu tradycyjnym mietadam arašeńnia.
Kamientary