Rasijskamu błohieru za śmierć dziaŭčyny padčas strymu dali šeść hadoŭ kałonii
Ramienski sud Padmaskoŭja prysudziŭ da šaści hadoŭ kałonii strohaha režymu błohiera Stanisłava Rašatniaka (Reeflay), u kvatery jakoha ŭ Padmaskoŭi pamierła dziaŭčyna padčas strymu.
Dziejańni byli kvalifikavanyja č. 4 art. 111 KK RF (naŭmysnaje pryčynieńnie ciažkaj škody zdaroŭju, niebiaśpiečnaj dla žyćcia čałavieka, jakaja paciahnuła pa nieaściarožnaści śmierć čałavieka).
Zdareńnie adbyłosia u noč na 2 śniežnia. Rašatniak u arandavanym pryvatnym domie ŭ pramym efiry tranślavaŭ raśpićcio śpirtnych napojaŭ sa svajoj siabroŭkaj i jaje znajomaj.
U chodzie svarki Rašatniak staŭ źbivać adnu. U pracesie źbićcia dziaŭčyna chapałasia za draty kampjutarnaj techniki i vypuściła abstalavańnie, pierapyniŭšy pramy efir. Heta nie spadabałasia Rašatniaku, i jon, čarhovy raz źbiŭšy siabroŭku, vystaviŭ jaje z chaty ŭ chałodnuju bojlernuju. Zastaŭšysia adzin, błohier padniaŭ aparaturu i znoŭ uklučyŭ pramy efir, paviedamiŭšy hledačam pra niedastojnyja pavodziny dziaŭčyny. Tolki pa prośbie hledačoŭ pakazać paciarpiełuju ŭ pramym efiry, jon adkryŭ bojlernuju, dzie znajšoŭ jaje biez prytomnaści.
Dziaŭčyna pamierła da pryjezdu daktaroŭ ad zadušeńnia hałaŭnoha mozhu hiematomaj, jakaja ŭtvaryłasia ŭ vyniku naniesienaj traŭmy.
Rasijski błohier pakazaŭ u efiry trup prastytutki, jakuju jon pakinuŭ na marozie
Minčanka pakinuła stanoŭčy vodhuk na sumku — i raptam vykryła zdradu čužoha muža19
Kamientary