HUBAZiK: Padpiska na ekstremisckija telehram-kanały ciahnie administracyjnuju adkaznaść. Advakaty rašuča piarečać
U svaim telehram-kanale HUBAZiK nahadaŭ śpis 40 telehram-ekstremistaŭ. I dadaŭ: padpiska na kanały i čaty, pryznanyja ekstremisckimi, ciahnie administracyjnuju adkaznaść. Atrymlivajecca, ludziej užo možna karać prosta za toje, što jany čytajuć nie tyja telehram-kanały? «Naša Niva» paprasiła advakataŭ prakamientavać hetaje papiaredžańnie ad siłavikoŭ.
Advakat Anton Hašynski tłumačyć:
«Adkaznaść za dziejańni ŭ dačynieńni da infarmacyjnaj pradukcyi, uklučanaj u respublikanski śpis ekstremisckich materyjałaŭ, praduhledžana administracyjnym zakanadaŭstvam, a mienavita č. 2 art. 19.11 KaAP (dla fizičnych asob — štraf da 20 bazavych vieličyń, dla IP — ad 20 da 50 bazavych vieličyń, dla jurydyčnych asob — ad 50 da 200 bazavych vieličyń). Razam z tym pravaparušeńniem ličacca raspaŭsiud takoj pradukcyi, a taksama jaje vyrab, zachoŭvańnie i pieravozka z metaj jaje raspaŭsiudu.
Adpaviedna, za padpisku na ekstremisckija telehram-kanały možna pakarać, tolki kali budzie dakazana, što asoba pieradała inšamu pradukcyju, jakuju publikujuć hetyja kanały, albo mieła namier jaje kamu-niebudź pieradać».
Advakat Maryna Judzienka (advakackaje biuro «Brahiniec i Partniory») taksama adznačyła: važnaja najaŭnaść mety raspaŭsiudu zabaronienaj infarmacyi.
«Artykuł 19.11 KaAP utrymlivaje vyčarpalny pieralik dziejańniaŭ ź infarmacyjnaj pradukcyjaj, uklučanaj u respublikanski śpis ekstremisckich materyjałaŭ, jakija ciahnuć administracyjnuju adkaznaść, — kamientuje Maryna Judzienka. —
Tym, što ciahnie administracyjnuju adkaznaść, źjaŭlajecca nie samo pa sabie zachoŭvańnie infarmacyjnaj pradukcyi. Supraćpraŭnym źjaŭlajecca mienavita zachoŭvańnie z metaj raspaŭsiudu.
Pad raspaŭsiudžvańniem varta razumieć pierasyłku, repost, inšyja sposaby daviadzieńnia da viedama choć by adnoj asoby niezaležna ad sposabu. Najaŭnaść nazvanaj mety abaviazkovaja dla taho, kab kanstatavać najaŭnaść składu administracyjnaha pravaparušeńnia».
Advakat Andrej Mačałaŭ vykazaŭsia koratka:
«Heta niemahčyma pa zakonie. Hladzicie 19.11 KaAP. Padpiska — heta jašče nie značyć raspaŭsiud».
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary