Palitviaźniu z Homiela Siarhieju Vieraščahinu, jakomu doŭha admaŭlali ŭ lačeńni, stali akazvać dapamohu
Paśla pietycyi, jakaja źjaviłasia ŭ siecivie, z patrabavańniem akazać miedyčnuju dapamohu homielskamu palitviaźniu Siarhieju Vieraščahinu, asudžanamu na 5 hadoŭ kałonii, da chłopca nakiravali miedykaŭ, paviedamlajuć «Mocnyja naviny».
Paśla ahladu śpiecyjalistami palitviaźnia nakiravali ŭ balnicu. Pra heta «Mocnym navinam» raspaviali čytačy, jakija vałodajuć infarmacyjaj.
Nahadajem, 30-hadovaha Siarhieja Vieraščahina 26 listapada prysudzili da 5 hadoŭ kałonii za hvałt nad milicyjantam. Padčas pratestaŭ mužčyna nibyta kidaŭ butelki z akna kvatery ŭ bok milicyjantaŭ, a padčas zatrymańnia ŭdaryŭ adnaho z supracoŭnikaŭ nahoj u voka.
Na sudzie chłopiec kazaŭ, što ŭ pastarunku, kudy jaho dastavili paśla zatrymańnia, jaho «bili, skakali pa hałavie i śmiajalisia, kali jon płakaŭ». Advakat adznačyła, što Siarhiej atrymaŭ nie mienš za sto ŭdaraŭ u roznyja častki cieła.
Nieabyjakavyja biełarusy stvaryli pietycyju, u jakoj prasili nieadkładna akazać mieddapamohu Siarhieju. U zvarocie havorycca, što hamialčuk pamiraje ŭ kałonii z-za nieakazańnia miedycynskaj dapamohi.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary