Палітвязню з Гомеля Сяргею Верашчагіну, якому доўга адмаўлялі ў лячэнні, сталі аказваць дапамогу
Пасля петыцыі, якая з'явілася ў сеціве, з патрабаваннем аказаць медычную дапамогу гомельскаму палітвязню Сяргею Верашчагіну, асуджанаму на 5 гадоў калоніі, да хлопца накіравалі медыкаў, паведамляюць «Моцныя навіны».
Пасля агляду спецыялістамі палітвязня накіравалі ў бальніцу. Пра гэта «Моцным навінам» распавялі чытачы, якія валодаюць інфармацыяй.
Нагадаем, 30-гадовага Сяргея Верашчагіна 26 лістапада прысудзілі да 5 гадоў калоніі за гвалт над міліцыянтам. Падчас пратэстаў мужчына нібыта кідаў бутэлькі з акна кватэры ў бок міліцыянтаў, а падчас затрымання ўдарыў аднаго з супрацоўнікаў нагой у вока.
На судзе хлопец казаў, што ў пастарунку, куды яго даставілі пасля затрымання, яго «білі, скакалі па галаве і смяяліся, калі ён плакаў». Адвакат адзначыла, што Сяргей атрымаў не менш за сто ўдараў у розныя часткі цела.
Неабыякавыя беларусы стварылі петыцыю, у якой прасілі неадкладна аказаць меддапамогу Сяргею. У звароце гаворыцца, што гамяльчук памірае ў калоніі з-за неаказання медыцынскай дапамогі.
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары