«Za dzień ja vypivaŭ tydniovuju dozu ałkaholu». Prync Hary raspavioŭ pra samyja kašmarnyja hady svajho žyćcia — z 28 da 32 hadoŭ, — kali jon pačaŭ pić, kab zahłušyć bol, jaki pieraśledavaŭ jaho z-za śmierci mamy, piša Bi-bi-si.
Prync Hary taksama pryznaŭsia, što byŭ hatovy prymać narkotyki, kab tolki pierastać adčuvać bol navat paśla bolš čym dziesiaci hadoŭ paśla śmierci pryncesy Dyjany.
Dyjana, Pryncesa Uelskaja, zahinuła ŭ aŭtakatastrofie, kali jaje pieraśledavali paparacy ŭ Paryžy ŭ žniŭni 1997 hoda.
Pra svaje psichałahičnyja prablemy, pastajannuju tryvohu i paničnyja ataki prync Hary padzialiŭsia z amierykanskaj televiadučaj Opraj Uinfry ŭ sieryjale dla Apple TV pad nazvaj «Ja, jakoha vy nie bačycie». U hetym sieryjale viadomyja ludzi raspaviadajuć svaje asabistyja historyi pra psichičnaje zdaroŭje i pieražyvańni.
«Ja byŭ prosta nie ŭ sabie. Kožny raz, kali ja apranaŭ kaścium i zaviazvaŭ halštuk, mnie davodziłasia prymušać siabie hrać rolu. Jašče da vychadu z domu ja zalivaŭsia potam. Ja pastajanna žyŭ u režymie «bi abo biažy», — raspavioŭ Hary.
«U piatnicu ci ŭ subotu ja vypivaŭ stolki, kolki ludzi pjuć tydzień, nie tamu što mnie heta padabałasia, a tamu što ja sprabavaŭ zamaskiravać bol», — pryznajecca Hary.
U 1997 hodzie ŭvieś śviet hladzieŭ, jak 12-hadovy Hary razam z bratam, baćkam, dziadźkam i dziadulem idzie za trunoj svajoj maci.
«Z taho dnia mnie zapomniŭsia tolki stuk konskich kapytoŭ, jakija cokali pa brukavanaj alei», — kaža Hary.
«Heta było padobna na toje, što ja pakinuŭ svajo cieła i prosta išoŭ pobač, jak pryvid. Napeŭna, ja pakazvaŭ dziasiatuju častku emocyj, u adroźnieńnie ad astatnich. Ale dla mianie, u adroźnieńnie ad astatnich, heta była mama — vy ź joj navat nie sustrakalisia», — uspaminaje Hary.
U padkaście, jaki Hary vypuściŭ na minułym tydni, jon zajaviŭ, što poŭny rašučaści razarvać zahanny kruh bolu, jaki adčuvaŭ u dziacinstvie i junactvie, i źbierahčy ŭłasnych dziaciej ad pamyłak vychavańnia, jakoje jon sam atrymaŭ.
U apošnija hady prync vystupaŭ za bolš adkrytaje hramadskaje abmierkavańnie psichałahičnych prablem u hramadstvie i pačaŭ bolš adkryta raspaviadać pra svoj ułasny psichałahičny stan. Jon taksama raspavioŭ, što pačaŭ kurs psichaterapii.
Kandydatami ŭ prezidenty zarehistravali Łukašenku i ŭsich čatyroch jaho sparynh-partnioraŭ4
Kamientary