«Vy simpatyčniejšaja za śviedku». Pahavaryli z chłopcam, jaki zatroliŭ sud na skajp-pasiadžeńni
«Na śviedku jašče budziecie hladzieć?» — «Nie, dziakuj, vy simpatyčniejšaja za śviedku». Kamičnaje videa anłajn-pasiadžeńnia Viciebskaha suda ablacieła sacyjalnyja sietki. Na im chłopiec trolić prysutnych: mianiaje hałaŭnyja ŭbory (nadziavaje to vajennuju kasku, to karonu), siadzić na fonie bieł-čyrvonaha-biełaha ściaha i pakazvaje šyldu «sarkazm».
Hieroj videa — Andrej Kułakoŭ, viadomy ŭ horadzie jak kiroŭca «žyviemabila». Jon raskazaŭ «Našaj Nivie» detali taho suda.
Pasiadžeńnie adbyłosia 21 maja. Na im razhladali spravu ažno za vierasień minułaha hoda.
«Mianie ź siabroŭkaj abvinačvali tady, što my nibyta razmalavali ścieny kafe nadpisam «Śvieta 80%». Spačatku za drobnaje chulihanstva chacieli sudzić, ale potym pierakvalifikavali na 23.34. Mianie ŭ vyniku apraŭdali, siabroŭcy dali štraf 15 bazavych. A tut umiašałasia prakuratura. Miesiac tamu adtul pryjšli papiery, što sudździa byccam dapuściŭ parušeńni. Staruju pastanovu admianili i adpravili spravu na pierarazhlad», — tłumačyć Andrej.
Chłopiec adpraviŭ list na elektronnuju poštu suda, paviedamiŭ, što budzie ŭdzielničać u pasiadžeńni pa skajpie, i ŭkazaŭ svoj łohin. «Heta majo zakonnaje prava», — uśmichajecca ŭ adkaz na ździŭleńnie, što jamu dazvolili nie prysutničać u zale. Pra toje, kab jaho padklučyli pa skajpie, chadajničaŭ taksama advakat.
«Pasiadžeńnie skamiečana prajšło. Maich replik praktyčna nie było. Ja prosta mianiaŭ šapki. Abraŭ taki rekvizit, jaki byŭ pad rukoj. Składana było nie śmiajacca — ja rahataŭ jak koń. Heta nie pieršy moj viasioły sud. Astatnija byli ŭžyvuju, tamu nie moh zapisać na videa.
Praktyčna z usimi sudździami ja ŭžo znajomy, a heta novaja była. Narmalna reahavała, pazityŭna. U mianie skłałasia ŭražańnie, što jana sama nie ŭ zachapleńni, što na jaje paviesili hetuju miortvuju spravu», — kaža chłopiec.
Spravu ŭ vyniku adpravili na dapracoŭku: pakazańni śviedki-daišnika razychodzilisia z rapartam i tym, što jon raskazvaŭ na sudzie vosieńniu.
«Žyviemabil» Andreja, darečy, užo amal hod staić na stajancy milicyi. A dakładniej dva mabili — kali pieršy adabrali, u toj ža viečar chłopiec zrabiŭ druhi. BČB-bus kanfiskavali paśla avaryi z mašynaj DAI 20 žniŭnia. A Andreja pazbavili pravoŭ na 11 miesiacaŭ.
Ci mohuć chłopca pryciahnuć da adkaznaści pa administracyjnym artykule za padziei minułaha vieraśnia? Pa zakonie nie — terminy vyjšli.
Pa starym KaAP asudzić za akcyju mahli na praciahu dvuch miesiacaŭ z daty pravaparušeńnia ci na praciahu dvuch miesiacaŭ z daty admieny pastanovy, ale nie paźniej za paŭhoda z daty pravaparušeńnia. Pa novym kodeksie termin pavialičyli da hoda. Ale pakolki pravaparušeńnie adbyłosia ŭ vieraśni 2020 hoda, to i sudzić musiać pa tych normach, što dziejničali tady.
Kamientary