Lidar zbornaj Danii pa futbole Kryścijan Eryksen pieraniasie apieracyju pa ŭstanoŭcy impłantavanaha kardyjaviertara-defibrylatara.
Kardyjaviertar-defibrylatar słužyć dla likvidacyi pahražajučych žyćciu arytmij i praduchileńnia spynieńnia serca.
«Paśla taho jak Eryksen prajšoŭ niekalki miedycynskich abśledavańniaŭ, było vyrašana, što futbalistu nieabchodny kardyjostymulatar, — havorycca ŭ paviedamleńni Dackaj fiederacyi futbołu. — Kryścijan pahadziŭsia pajści na hety krok, jaki rekamiendavali śpiecyjalisty mižnarodnaha ŭzroŭniu. My zaklikajem usich nie turbavać Kryścijana i jaho siamju ŭ najbližejšy čas».
12 červienia padčas matču pamiž Danijaj i Finlandyjaj, jaki prachodziŭ na stadyjonie ŭ Kapienhahienie, Eryksen pavaliŭsia na hazon i nie zmoh padniacca. Jamu kala 15 chvilin akazvali ekstrannuju dapamohu, paśla čaho zabrali na nasiłkach z pola. Hulniu spynili, matč dahulali praz paŭtary hadziny.
Trenier nacyjanalnaj kamandy Danii Kaśpier Julman adznačyŭ, što «Eryksen u niejki momant byŭ miortvy». «U jaho spyniłasia serca. Ja nie viedaju, jak nam udałosia vyratavać jaho, heta adbyłosia vielmi chutka. Nie mahu rastłumačyć pryčynu taho, što adbyłosia, my nie viedajem, što adkazać», — skazaŭ Julman.
Čytajcie:
Kryścijan Eryksen straciŭ prytomnaść padčas matču Jeŭra-2020: miedyki na poli praviali reanimacyju
Chto taki Kryścijan Eryksen, jaki straciŭ prytomnaść na Jeŭra?
Trenier: Eryksen byŭ miortvy. U jaho spyniłasia serca
«Ja ŭ paradku». Kryścijan Eryksan, jaki pieranios spynieńnie serca na Jeŭra-2020, apublikavaŭ sełfi z balnicy
Historyja Kryścijana Eryksana: što moža vyklikać raptoŭnaje spynieńnie serca?
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary