Minimum $1 000 000. Stała viadoma, kolki biełarusy spłacili štrafaŭ pa pratesnych artykułach
«Naša Niva» padličyła sumu, jakuju atrymała dziaržava ad biełarusaŭ, aštrafavanych pa «narodnych» administracyjnych artykułach.
My ŭziali pieryjad z 28 lipienia 2020 hoda pa 28 lipienia 2021. Razhladali spravy pa artykułach 24.23 (raniej 23.34) i 24.3 (raniej 23.4) KaAP— heta ŭdzieł ci arhanizacyja niezakonnaha masavaha mierapryjemstva i niepadparadkavańnie milicyi, dva samyja «narodnyja» artykuły. Dla padliku karystalisia źviestkami pravaabaroncaŭ «Viasny».
Atrymałasia, što ŭ 2020 hodzie štrafy pa hetych artykułach atrymali 3342 čałavieki. Ahulnaja suma — 60 683 bazavyja vieličyni. Heta 1 638 441 rubiel (u 2020 hodzie bazavaja składała 27 rubloŭ).
Sa studzienia pa lipień 2021 štrafy atrymali 564 čałavieki. Ale źmieny ŭ KaAP padniali maksimalnuju sumu, jakoj ciapier možna karać. Atrymlivajecca, 564 čałavieki aštrafavali na 35 866 bazavych. Heta 1 040 114 rubloŭ (bazavaja sioleta vyrasła da 29 rubloŭ).
Takim čynam, ahulnaja suma štrafaŭ — jak minimum 2 678 555 rubloŭ za hod.
Varta razumieć, što hetaja suma padličanaja, sychodziačy sa źviestak pravaabaroncaŭ, jakija sami pryznajuć, što majuć infarmacyju nie pa ŭsich spravach. Adpaviedna, dakładnaja suma, chutčej za ŭsio, bolšaja.
Kamientary