Pieršy nie-minski sieryjał źniali na barysaŭskim filijale pryvatnaj telekampanii «Skif». Jak kaža pradusarka Natalla Hołava, u novym sieryjale, jaki atrymaŭ nazvu «Škoła», z 16 zapłanavanych sieryjaŭ pieršaha siezonu ŭžo zroblena 4 i nieŭzabavie adbudziecca premjera.
Pavodle słovaŭ udzielnikaŭ metaj prajektu, akramia taho, kab źniać varty sieryjał, było taksama pakazać, što ŭ pravincyi taksama jość tvorčy patencyjał, u jaki varta inviestavać.
«My nie ŭ Halivudzie, nie na NTV, i navat nie na «Biełaruśfilmie»,— kaža Siarhiej Kuziomienski, kiraŭnik barysaŭskaha filijała telekampanii «Skif». - Praktyčna ŭsia hrupa sumiaščaje asnoŭnuju pracu i pracu ŭ prajekcie. Choć naš markietynhavy płan uličvaje atrymańnie prybytku, prajekt usio ž niekamiercyjny: my pakul što vučymsia zdymać kino».
U sieryjale z zaprošanych zorak — zasłužany artyst Biełarusi Siarhiej Žuraviel (jon zdymajecca ŭ roli načalnika milicyi). Pieśniu na zastaŭku napisaŭ homielski bard Saša Mocart, a muzyku - barysaŭski dy-džej MaxiMist.
Siužet «Škoły»: razbeščanyja karupcyjaj mer i svavolny načalnik haradskoj milicyi chočuć adabrać dom dziciačaj tvorčaści, kab pabudavać tam turmu. Im procijastajać staršakłaśniki na čale z dačkoj mera. Pobač z asnoŭnym siužetam, pierakryžoŭvajučysia, latuć ramantyčnyja linii: hieroi ŭlublajucca, sychodziacca, razychodziacca… Dzieja šmatsieryjnaj mieładramy adbyvajecca ŭ vymyślenym postsavieckim horadku Zapolsku, što maje svoj układ, styl žyćcia i niapisanyja zakony. «My chacieli zrabić prydumany, davoli niejtralny horad, dla milicyjanieraŭ pašyli admietnuju formu, — kaža Natalla Hołava, - ale niekatoryja fakty biełaruskaj rečaisnaści ŭ sieryjale ŭsio ž prahladajucca: barysaŭskija krajavidy i aktory, što razmaŭlajuć ź biełaruskim akcentam».
Prezientacyja sieryjału adbudziecca 12 lipienia a 7 viečara ŭ barysaŭskim kłubie Ultimo (haradski Pałac kultury). A pakažuć pieršyja čatyry sieryi 13-16 lipienia ŭ Oršy, Barysavie, Viciebsku, Połacku i Babrujsku na telekanale «Skif», a taksama ŭ Minsku, pa 8-ym kanale. Pačatak — 21-00. Bolš padrabiaźniej pra sieryjał možna daviedacca tut.
Ciapier čytajuć
U Varšavu pryjechała sotnia biełaruskich palitviaźniaŭ17
Kamientary