U minskim mižnarodnym adukacyjnym centry (IVV) pačaŭ pracu V źjezd biełarusaŭ śvietu «Baćkaŭščyna». Na jaho sabrałasia 252 delehaty z 18 krainaŭ śvietu.
U minskim mižnarodnym adukacyjnym centry (IVV) pačaŭ pracu V źjezd biełarusaŭ śvietu «Baćkaŭščyna». Na jaho sabrałasia 252 delehaty z 18 krainaŭ śvietu.
Haściej forumu pavitaŭ kiraŭnik «Baćkaŭščyny» Alaksiej Maračkin, a taksama byŭ zasłuchany aŭdyzvarot ad staršyni Rady BNR Ivonki Surviłły. Potym słova ŭziali pradstaŭniki ŭładaŭ.
Na dobraj biełaruskaj movie vystupili ministr kultury Pavieł Łatuška i ŭpaŭnavažany pa spravach relihij i nacyjanalnaściej Leanid Hulaka. Siarod pieršych vystupoŭcaŭ byŭ i pasoł Šviecyi Stefan Eryksan.
Padčas svajho vystupu na temu «Prablemy biełaruskaj kultury na sučasnym etapie» mastak Alaksiej Maračkin prapanavaŭ viarnuć biełaruskaj movie status adzinaj dziaržaŭnaj u krainie. A taksama źjaviłasia inicyjatyva adkryć u Minsku pomnik u honar 600‑ych uhodkaŭ pieramohi ŭ Hrunvaldskaj bitvie.
Z dakładami vystupili historyki Natalla Hardzijenka, Janka Zaprudnik (ZŠA), hramadski lider Aleh Rudakoŭ (Irkuck), palitołah Vital Silicki.
Staršynia Vialikaj Rady «Baćkaŭščyny» Alena Makoŭskaja zrabiła spravazdaču ab dziejnaści arhanizacyi ad času minułaha źjezdu. Paśla hetaha delehaty raźbilisia na pracy pa siekcyjach.
Pieršy dzień pracy źjezdu skončyŭsia śviatočnym kancertam.
Zaŭtra delehaty źbiarucca znoŭ, u tym liku dla taho, kab abrać novaje kiraŭnictva. Užo peŭna viadoma, što Maračkin najchutčej zdymie ź siabie paŭnamoctvy staršyni.
Vialiki repartaž sa źjezdu čytajcie na našym sajcie zaŭtra.
Kamientary