Kiraŭnik EPAM Arkadź Dobkin źviarnuŭsia da supracoŭnikaŭ u suviazi z trahiedyjaj na Jakuboŭskaha
EPAM publična nie kamientavaŭ nadzvyčajnaje zdareńnie, udzielnikam jakoha staŭ cimlid kampanii Andrej Zielcer. Adnak, pavodle infarmacyi dev.by, Arkadź Dobkin źviarnuŭsia piśmova da supracoŭnikaŭ.
«Kalehi, dzień tamu my ŭsie daviedalisia ab trahiedyi ŭ Minsku, u vyniku jakoj zahinuli dva čałavieki. Ciažka znajści pravilnyja słovy, ale pierš za ŭsio heta trahiedyja straty dvuch čałaviečych žyćciaŭ, trahiedyja dla ich dziaciej, ich siemjaŭ, ich blizkich — dla ŭsich.
Nie majučy pakul aficyjna paćvierdžanaj infarmacyi, my možam u toj ža čas abhruntavana mierkavać, što adnym z zahinułych byŭ supracoŭnik našaj kampanii, Andrej Zielcer.
My razumiejem, što heta moža być nialohka, ale adzinaje, pra što by my chacieli prasić usich nas tut, — heta zachoŭvać vielmi nieabchodnuju ciapier razvažlivaść va ŭsim: va ŭčynkach, dziejańniach, słovach.
Kali łaska, nie ŭstupajcie ŭ niepraduktyŭny abmien dumkami abo niepaćvierdžanymi faktami jak unutry našych karparatyŭnych, tak i ŭ źniešnich sacyjalnych kanałach i miedyja», — napisaŭ Dobkin.
-
Dźmitryj Kruty ŭznačaliŭ kamisiju pa farmavańni novaha ŭrada
-
Paźniak pra 1990-ja: «Nichto nie zrabiŭ bolšaj škody dla nacyjanalnych intaresaŭ Biełarusi, čym heta istota». Pra kaho jon?
-
Cichanoŭskaja sustrełasia z adzinym kandydatam ad apazicyi Vieniesueły, jaki, imavierna, vyjhraŭ vybary, ale Madura nie addaŭ uładu
Ciapier čytajuć
«Ty budieš sotrudničať, b*, ili niet?». Jak u Biełarusi schilajuć da supracoŭnictva sa śpiecsłužbami2
Kamientary