Кіраўнік EPAM Аркадзь Добкін звярнуўся да супрацоўнікаў у сувязі з трагедыяй на Якубоўскага
EPAM публічна не каментаваў надзвычайнае здарэнне, удзельнікам якога стаў цімлід кампаніі Андрэй Зельцэр. Аднак, паводле інфармацыі dev.by, Аркадзь Добкін звярнуўся пісьмова да супрацоўнікаў.
«Калегі, дзень таму мы ўсе даведаліся аб трагедыі ў Мінску, у выніку якой загінулі два чалавекі. Цяжка знайсці правільныя словы, але перш за ўсё гэта трагедыя страты двух чалавечых жыццяў, трагедыя для іх дзяцей, іх сем'яў, іх блізкіх — для ўсіх.
Не маючы пакуль афіцыйна пацверджанай інфармацыі, мы можам у той жа час абгрунтавана меркаваць, што адным з загінулых быў супрацоўнік нашай кампаніі, Андрэй Зельцэр.
Мы разумеем, што гэта можа быць нялёгка, але адзінае, пра што бы мы хацелі прасіць усіх нас тут, — гэта захоўваць вельмі неабходную цяпер разважлівасць ва ўсім: ва ўчынках, дзеяннях, словах.
Калі ласка, не ўступайце ў непрадуктыўны абмен думкамі або непацверджанымі фактамі як унутры нашых карпаратыўных, так і ў знешніх сацыяльных каналах і медыя», — напісаў Добкін.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары