ICAO moža vypuścić vynikovy dakład pa incydencie z samalotam Ryanair 12 listapada
Heta adbudziecca ŭ vypadku atrymańnia ŭsioj nieabchodnaj infarmacyi, paviedamiła TASS sa spasyłkaj na pradstaŭnika Rasii ŭ arhanizacyi Siarhieja Hudkova.
Rada Mižnarodnaj arhanizacyi hramadzianskaj avijacyi (ICAO) moža razhledzieć vynikovy dakład pa incydencie z pavietranym sudnam irłandskaj avijakampanii Ryanair u niebie nad Biełaruśsiu 12 listapada pry ŭmovie, što ŭ jaho rasparadžeńni budzie ŭsia nieabchodnaja infarmacyja, zbor jakoj jašče praciahvajecca.
«Vynikovy dakład moža być hatovy 12 listapada, kali budzie atrymanaja ŭsia nieabchodnaja infarmacyja. Zbor danych da hetaha času praciahvajecca», — skazaŭ Siarhiej Hudkoŭ.
Takoje rašeńnie, pavodle jaho słoŭ, było ahučana ŭ paniadziełak na pasiadžeńni ICAO ŭ Manreali, dzie byŭ pradstaŭleny pramiežkavy dakład pa hetym incydencie. Pradstaŭnik RF adznačyŭ, što nijakaha analizu i vysnoŭ na asnovie ŭžo najaŭnych źviestak zroblena nie było.
Pa słovach Hudkova, na pasiadžeńni prysutničaŭ pradstaŭnik Biełarusi, dyrektar Departamienta pa avijacyi Mintransa Respubliki Arciom Sikorski. «Jon vystupiŭ pa videasuviazi», — udakładniŭ surazmoŭca ahienctva.
Paśla incydentu z samalotam Ryanair samit Jeŭrasajuza pastanaviŭ zabaranić biełaruskim avijakampanijam ažyćciaŭlać rejsy ŭ aeraporty ES i ździajśniać paloty nad terytoryjaj Jeŭrasajuza, a taksama rekamiendavaŭ Jeŭrapiejskim pieravozčykam admovicca ad palotaŭ u pavietranaj prastory Biełarusi. Bolš za 20 krain zakryli svaju pavietranuju prastoru dla biełaruskaha avijapieravozčyka.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii27
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary