Cichanoŭskaja dystancyjavałasia ad strajku, jaki abviaściŭ Dyleŭski pad upłyvam Radzinaj i Sańnikava
Śviatłana Cichanoŭskaja praviała strym z pradstaŭnikami rabočaha ruchu i Paŭłam Łatuškam. Abmiarkoŭvałasia mahčymaść praviadzieńnia zabastoŭki, jak da taho zaklikaje Siarhiej Dyleŭski. Sam Dyleŭski na anłajn-sustrečy nie źjaviŭsia.
Cichanoŭskaja dystancyjavałasia ad stački, padkreśliŭšy, što zabastoŭka musić być padrychtavanaja i ŭklučać šyrokija koły.
Pradstaŭniki rabočaha ruchu taksama kanstatavali, što strajk niepadrychtavany i nie moža być zrobleny naskokam, jak toje ŭžo rabiłasia i ŭ našmat bolš udałych umovach.
Pazicyja Paŭła Łatuški salidarnaja ź inšymi vystupoŭcami, taksama jon źviarnuŭ uvahu na žudasnuju chvalu kavidu ŭ Biełarusi, jakaja sama pa sabie vymahaje ad ludziej zastavacca pa mahčymaści doma.
Pry hetym dniami Siarhiej Dyleŭski pryznavaŭsia, što ideju abjavić zabastoŭku jamu padkazali Natalla Radzina, Andrej Sańnikaŭ i Dźmitry Bałkuniec.
Čytajcie taksama:
«Kalehi vosieńniu kazali: «Supakojsia», a siońnia pytajucca, što rabić». Siarhiej Dyleŭski pra nastroi na zavodach i svajo žyćcio ciapier
Siarod zatrymanych pa spravie pažaru ŭ viciebskim handlovym centry, vierahodna, jahony ŭładalnik2
Kamientary