Ukraina vałodaje łaziernaj zbrojaj pad nazvaj «Tryzub», jakaja moža źbivać pavietranyja celi na vyšyni bolš za 2 kiłamietry. Pra heta zajaviŭ kamandujučy siłami bieśpiłotnych sistem Uzbrojenych sił Ukrainy pałkoŭnik Vadzim Suchareŭski.
«Siońnia my možam śćviardžać, što Ukraina stała, kali ja nie pamylajusia, piataj krainaj u śviecie, jakaja maje łaziernuju zbroju. Na hety momant my ŭžo zdolnyja źbivać samaloty na vyšyni bolš za 2 kiłamietry ź jaho dapamohaj», — havoryć Suchareŭski.
Pałkoŭnik adznačyŭ, što siły bieśpiłotnych sistem pracujuć nad maštabavańniem i ŭzmacnieńniem mahčymaściaŭ hetaj zbroi.
«Heta realna najaŭny i pracoŭny kompleks», — padkreśliŭ jon.
Akramia taho, Suchareŭski źviarnuŭ uvahu na raźvićcio dronaŭ-«matak», jakija niasuć lohkija ŭdarnyja drony.
«My siońnia ŭžyvajem tak zvanyja drony-«matki», nośbity FPV, z hłybinioj zanosu bolš za 70 km. Jany niasuć 2 FPV pad saboj i realna vystupajuć retranślataram dy paražajuć hłybinnyja abjekty praciŭnika. Jak pa mnie, heta sapraŭdy praryŭ», — adznačyŭ pałkoŭnik.
Jak adznačyŭ Suchareŭski, maštabavańnie hetaha prajekta — adzin z samych pierśpiektyŭnych elemientaŭ u jaho pracy.
Tramp: Ja mahu pierahledzieć dazvoł Ukrainie bić dalnabojnymi rakietami pa Rasii
Prezident Słavakii Pielehryni: Ukrainie pryjdziecca stracić niekatoryja terytoryi dziela miru
«Ruskich i ŭkraincaŭ možna paraŭnoŭvać z chańcami». Miadźviedzieŭ tłumačyć kitajcam pryčyny vajny va Ukrainie na blizkich im prykładach
Tramp vystupaje za raźmiaščeńnie jeŭrapiejskich vojskaŭ va Ukrainie dla kantrolu nad budučym pieramirjem
Siarod zatrymanych pa spravie pažaru ŭ viciebskim handlovym centry, vierahodna, jahony ŭładalnik2
Kamientary