Daŭhi pradpryjemstvaŭ-fłahmanaŭ Biełarusi pieravysili histaryčny maksimum
Sumarnyja daŭhi bujnych i siarednich kampanij Biełarusi na 1 kastryčnika skłali 162,780 młrd rubloŭ. Heta maksimalnaje značeńnie doŭhu za ŭvieś pieryjad zamieraŭ pa pryniataj u krainie mietodycy. Papiaredni rekord byŭ dasiahnuty 1 lipienia i pratrymaŭsia tolki 3 miesiacy, pišuć banki24.by. Bujnyja i siarednija pradpryjemstvy krainy nazapasili daŭhoŭ bolš, čym prahnozny VUP za 2021 hod.
Zhodna z sakavickim prahnozam Minekanomiki, raźlikovy VUP Biełarusi za 2021 hod składzie kala 158,5 młrd rubloŭ. Heta značyć, što ŭžo ciapier abjom daŭhoŭ fłahmanskich pradpryjemstvaŭ pieravyšaje čakany pamier ekanomiki.
Najbujniejšuju sumu zapazyčanaści nazapasili vałaŭtvaralnyja pradpryjemstvy Minska — 44,1 młrd rubloŭ na spravazdačnuju datu. Siarod abłaściej lidaram pa abjomie abaviazacielstvaŭ stała Hrodzienskaja — 28,6 młrd rubloŭ. Taksama ŭ hetym rehijonie chutčej za ŭsio raśli daŭhi ŭ praporcyjach da pačatku hoda — na 12,7% za 9 miesiacaŭ. U astatnich abłaściach sumy doŭhu na 1 kastryčnika byli nastupnymi: Bresckaja — 10,3 młrd rubloŭ, Viciebskaja — 14,3 młrd rubloŭ, Homielskaja — 23,9 młrd rubloŭ, Minskaja — 28,1 młrd rubloŭ, Mahiloŭskaja — 13,5 młrd rubloŭ.
Najbolšyja abaviazacielstvy da 1 kastryčnika mieli fłahmany pramysłovaści — 93,1 młrd rubla. Z pačatku hoda ich daŭhi vyraśli na 20,7%.
Unutry pramysłovaści bolš za ŭsich vinnyja vałaŭtvaralnyja kampanii apracoŭčych halin — 67 młrd rubloŭ. Pazyki enierhietyki skłali 22 młrd rubloŭ, zdabyvalnych pradpryjemstvaŭ — 3,7 młrd rubloŭ.
U sielskaj haspadarcy sumarnyja daŭhi pieravysili 16,3 młrd rubloŭ. I heta taksama maksimum za ŭsiu historyju vymiareńniaŭ.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary