Даўгі прадпрыемстваў-флагманаў Беларусі перавысілі гістарычны максімум
Сумарныя даўгі буйных і сярэдніх кампаній Беларусі на 1 кастрычніка склалі 162,780 млрд рублёў. Гэта максімальнае значэнне доўгу за ўвесь перыяд замераў па прынятай у краіне методыцы. Папярэдні рэкорд быў дасягнуты 1 ліпеня і пратрымаўся толькі 3 месяцы, пішуць banki24.by. Буйныя і сярэднія прадпрыемствы краіны назапасілі даўгоў больш, чым прагнозны ВУП за 2021 год.
Згодна з сакавіцкім прагнозам Мінэканомікі, разліковы ВУП Беларусі за 2021 год складзе каля 158,5 млрд рублёў. Гэта значыць, што ўжо цяпер аб'ём даўгоў флагманскіх прадпрыемстваў перавышае чаканы памер эканомікі.
Найбуйнейшую суму запазычанасці назапасілі валаўтваральныя прадпрыемствы Мінска — 44,1 млрд рублёў на справаздачную дату. Сярод абласцей лідарам па аб'ёме абавязацельстваў стала Гродзенская — 28,6 млрд рублёў. Таксама ў гэтым рэгіёне хутчэй за ўсё раслі даўгі ў прапорцыях да пачатку года — на 12,7% за 9 месяцаў. У астатніх абласцях сумы доўгу на 1 кастрычніка былі наступнымі: Брэсцкая — 10,3 млрд рублёў, Віцебская — 14,3 млрд рублёў, Гомельская — 23,9 млрд рублёў, Мінская — 28,1 млрд рублёў, Магілёўская — 13,5 млрд рублёў.
Найбольшыя абавязацельствы да 1 кастрычніка мелі флагманы прамысловасці — 93,1 млрд рубля. З пачатку года іх даўгі выраслі на 20,7%.
Унутры прамысловасці больш за ўсіх вінныя валаўтваральныя кампаніі апрацоўчых галін — 67 млрд рублёў. Пазыкі энергетыкі склалі 22 млрд рублёў, здабывальных прадпрыемстваў — 3,7 млрд рублёў.
У сельскай гаспадарцы сумарныя даўгі перавысілі 16,3 млрд рублёў. І гэта таксама максімум за ўсю гісторыю вымярэнняў.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»33
Каментары