70% šlubaŭ u Biełarusi skončyłasia razvodami. Kryzisny 2020 hod pakazaŭ istotny rost
Apošnija piać hod u Biełarusi skaračajecca kolkaść šlubaŭ i pavialičvajecca kolkaść razvodaŭ. Biełstat padličyŭ, što na tysiaču šlubaŭ u 2020-m było 698 razvodaŭ, heta amal 70%. Bolš za ŭsio razvodaŭ u Viciebskaj vobłaści — 77%, mienš za ŭsio — Minsku — 64%. Cikava, što za hod kolkaść razvodaŭ pa krainie vyrasła amal na 15%. U 2020-m, nahadajem, Biełaruś sutyknułasia z novymi vyklikami — pandemija kavida, vostry hramadska-palityčny kryzis paśla prezidenckich vybaraŭ.
Asnoŭnymi pryčynami razvodaŭ u Biełarusi ličycca złoŭžvańnie ałkaholem, siamiejnyja kanflikty i chatni hvałt, adsutnaść ahulnych intaresaŭ, niesumiaščalnaść pohladaŭ, kanflikt charaktaraŭ i strata pačućciaŭ.
Jak źmianiałasia kolkaść šlubaŭ apošnija piać hod?
- U 2015 źjaviłasia 82 030 novych siemjaŭ,
- u 2016 — 64 536,
- u 2017 — 66 215,
- 2018 — 60 714,
- 2019 — 62 744
- i ŭ 2020 — 50 384 (amal na 32 tysiačy mienš, čym piać hod tamu).
Letaś bolš za ŭsio šlubaŭ zarehistravali ŭ Minsku, mienš za ŭsio — u Mahiloŭskaj vobłaści. Z kožnym hodam pavialičvajecca ŭzrost žanichoŭ i niaviest, ciapier siaredniaja ličba takaja:
- mužčyny zaklučajuć pieršy šlub u 28,4 hady,
- žančyny — 26,2.
Druhi šlub mužčyny zaklučajuć, pa statystycy, u 41,9 hod, žančyny — 38,5.
A voś jakija ličby pa razvodach apošnija piać hod.
- U 2015 skasavana 32 984 šlubaŭ,
- u 2016 — 32 628,
- u 2017 — 32 006,
- u 2018 — 33 152,
- u 2019 — 34 470,
- u 2020 — 35 144.
Śpiecyjalisty Biełstata padličyli suadnosiny šlubaŭ i razvodaŭ, atrymałasia, što:
- u 2015 hodzie kolkaść razvodaŭ składała 40%,
- u 2016 — 51%,
- u 2017 — 48%,
- u 2018 — 55%,
- u 2019 — 55% i, narešcie,
- u 2020 — 70% (za piać hod rost na 30%).
U čas pandemii ŭ mnohich krainach (Francyja, Hiermanija, Rasija, Kitaj, Brazilija) fiksavaŭsia rost chatniaha hvałtu pa pryčynie karancinu. U Biełarusi śpiecyjalisty haračaj linii dapamohi achviaram hvałtu nie zafiksavali istotnaha rostu zvarotaŭ. Tłumačyłasia heta tym, što strohich karancinnych zachadaŭ dziaržava nie prymała, ludzi zbolšaha praciahvali chadzić na pracu i navat na masavyja mierapryjemstvy.
-
Babaryka: Da svajho vyzvaleńnia ja ŭvohule nie bačyŭ Ivana Kraŭcova. Nie viedaju, što jon rabiŭ
-
Vyzvaliŭsia adzin z pačynalnikaŭ biełaruskamoŭnaha ŽŽ Ivan Marozaŭ — heta byŭ jaho druhi palityčny termin
-
Rekordnymi tempami idzie zbor na ŭkoł dla Ksiušy z mahiloŭskaha dzietdoma, ad jakoj admoviłasia mama — jašče plus $190 tysiač za dzień
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?36
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary