Dziaržsakratar ZŠA: U vyniku napadu Rasii na Ukrainu buduć surjoznyja nastupstvy
NATA pojdzie na ŭmacavańnie svajho abaronnaha patencyjału, kali ŭ hetym uźniknie nieabchodnaść u vyniku rasijskaj ahresii. Pra heta abviaściŭ dziaržsakratar ZŠA Entani Blinkien padčas intervju ŭ efiry šviedskaha telebačańnia ŭ niadzielu, piša Deutsche Welle.
Kamientujučy vyniki svajoj niadaŭniaj sustrečy ź ministram zamiežnych spraŭ Rasii Siarhiejem Łaŭrovym u ramkach pasiadžeńnia Savieta ministraŭ zamiežnych spraŭ ABSIE ŭ Stakholmie, Blinkien paviedamiŭ, što chacieŭ dać kiraŭniku MZS RF zrazumieć, što nastupstvy ad mahčymaha paŭtornaha aktu ahresii Rasii suprać Ukrainy buduć surjoznymi i što dla vyrašeńnia roznahałośsiaŭ pamiž dźviuma krainami isnuje lepšy sposab, a mienavita dypłamatyja, u pryvatnaści, prymianieńnie minskich pahadnieńniaŭ.
Adkazvajučy na pytańnie viadučaha ab tym, majucca na ŭvazie «surjoznyja nastupstvy» ad mahčymaha napadu Rasii na Ukrainu, ci «vajennyja nastupstvy», Blinkien zajaviŭ nastupnaje:
«My dali vielmi jasna zrazumieć, što ŭ hetaha (mahčymaha napadu Rasii na Ukrainu) buduć surjoznyja nastupstvy. My razhladajem, naprykład, ekanamičnyja miery, jakija akazali b vielmi vialiki ŭpłyŭ, a taksama rečy, ad jakich my ŭstrymlivalisia ŭ minułym, kali ŭ nas byli hłybokija roznahałośsi z Rasijaj».
Kamientary