Дзяржсакратар ЗША: У выніку нападу Расіі на Украіну будуць сур'ёзныя наступствы
НАТА пойдзе на ўмацаванне свайго абароннага патэнцыялу, калі ў гэтым узнікне неабходнасць у выніку расійскай агрэсіі. Пра гэта абвясціў дзяржсакратар ЗША Энтані Блінкен падчас інтэрв'ю ў эфіры шведскага тэлебачання ў нядзелю, піша Deutsche Welle.
Каментуючы вынікі сваёй нядаўняй сустрэчы з міністрам замежных спраў Расіі Сяргеем Лаўровым у рамках пасяджэння Савета міністраў замежных спраў АБСЕ ў Стакгольме, Блінкен паведаміў, што хацеў даць кіраўніку МЗС РФ зразумець, што наступствы ад магчымага паўторнага акту агрэсіі Расіі супраць Украіны будуць сур'ёзнымі і што для вырашэння рознагалоссяў паміж дзвюма краінамі існуе лепшы спосаб, а менавіта дыпламатыя, у прыватнасці, прымяненне мінскіх пагадненняў.
Адказваючы на пытанне вядучага аб тым, маюцца на ўвазе «сур'ёзныя наступствы» ад магчымага нападу Расіі на Украіну, ці «ваенныя наступствы», Блінкен заявіў наступнае:
«Мы далі вельмі ясна зразумець, што ў гэтага (магчымага нападу Расіі на Украіну) будуць сур'ёзныя наступствы. Мы разглядаем, напрыклад, эканамічныя меры, якія аказалі б вельмі вялікі ўплыў, а таксама рэчы, ад якіх мы ўстрымліваліся ў мінулым, калі ў нас былі глыбокія рознагалоссі з Расіяй».
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача42
Каментары