Viadomy rasijski krytyk nazvała raman biełaruskaj aŭtarki siarod top-5 suśvietnych knih 2021 hoda
Viadomy rasijski litaraturny krytyk, vykładčyk Halina Juzefevič skłała svoj śpis najlepšych knih 2021 hoda. Pobač ź Dźmitryjem Bykavym i Džoan Roŭlinh u hetym śpisie raman biełaruskaj aŭtarki Taćciany Zamiroŭskaj, jakaja žyvie ŭ Ńju-Jorku, «Śmierci. Net».
Pryčym raman Taćciany Zamiroŭskaj Juzefovič pastaviła na druhoje miesca rejtynhu śledam za «Źniščalnikam» Dźmitryja Bykava.
«Heta cudoŭny raman, jaki spačatku zdajecca technatryleram, potym pavaročvajecca da čytača tym bokam, jaki źviazany z pytańniami ličbavaj bieśśmiarotnaści i naohuł pytańniami transhumanizmu ŭ sučasnym hramadstvie, a potym akazvajecca składanaj i hłybokaj fiłasofskaj prytčaj. Raman apisvaje prastoru paśla śmierci ŭ budučyni, kali ludzi navučacca zdymać ź siabie ličbavyja kopii i praciahnuć isnavać u asobnym ličbavym farmacie paśla śmierci fizičnaha aryhinała. (…) Na moj pohlad, heta adna z najlepšych knih i adna z samych razumnych» — reziumuje Halina Juzefovič.
U top-5 jana taksama ŭklučyła «Nie treba saromiecca» Alaksandra Harbačova, «Kłaru i sonca» Kadzua Isihura, «Valentajn» Elizabet Uetmar i dadaje bonusam kazku Džoan Roŭlinh «Kaladnaje parasia».
Kamientary