Mierkavańni

Šrajbman: Heta budzie samy mocny adnamomantny ekanamičny ŭdar z usiaho, što Zachad rabiŭ ź Minskam dahetul

Palityčny analityk Arciom Šrajbman u svaim Telegram-kanale prakamientavaŭ navinu pra vierahodnaje pierakryćcio Litvoj tranzitu biełaruskaha kaliju z 1 lutaha. Pryvodzim post całkam. 

Arciom Šrajbman.

Pierakryćcio tranzitu biełaruskaha kaliju z boku Litvy ŭ adnabakovym paradku sa spasyłkaj na «nacbiaśpieku» — śmieły krok. Tamu što, akramia niepasrednych strataŭ, pryjdziecca abaraniacca ŭ sapraŭdnym sudzie, chutčej za ŭsio — sudzie ES u Luksiemburhu (ale chaj mianie papraviać śpiecyjalisty, ci buduć tam jašče niejkija instancyi pierad im).

Treba budzie dakazać, što ździełka ź Minskam, jakaja nie zaminała nacbiaśpiecy Litvy šmat hadoŭ, raptam stała joj pahražać. Heta nietryvijalnaja zadača, i suprać Vilni buduć sapraŭdy pracavać dobryja jurysty, tamu što heta hučnaja sprava, u ES znojdziecca šmat jurfirmaŭ, hatovych pradstaŭlać Minsk.

Jeŭrasajuz i jaho krainy-členy ŭžo prajhravali ŭ svaim ža Luksiemburhskim sudzie šmat razoŭ, tamu budzie cikava. Na kon pastaŭlenaja nie tolki reputacyja Litvy, ale i, u vypadku projhryšu, vielizarnaja kampiensacyja, jakuju daviadziecca płacić Minsku.

Ale pakul, kali Litva i jaje čyhunka nie pahodziacca pracavać ź Biełkalijem praz prakładki (što technična nieskładana, ale palityčna zaškvarna dla samich litoŭcaŭ na lubym uzroŭni), to heta budzie samy mocny adnamomantny ekanamičny ŭdar z usiaho, što Zachad rabiŭ ź Minskam dahetul.

Łukašenka nie zmoža pakinuć takoje biez adkazu. Budzie handlovaja vajna i, chutčej za ŭsio, parušeńnie inšych tranzitnych łancužkoŭ praź Biełaruś. Pravierku na tryvałaść projdzie i rasijska-biełaruski sajuz.

Adna sprava sałdat razam vazić papaziravać kala vajskovych čaściej u Kazachstanie, inšaja — na škodu «Urałkaliju», dy jašče i sa źnižkami puskać biełaruskich kankurentaŭ da svajoj tranzitnaj infrastruktury. Asabliva kali možna zamiest hetaha asvoić vyzvalenyja nišy na suśvietnych rynkach uhnajeńniaŭ i praź jakija paŭhodzika pahrukacca ŭ schudnieły Salihorsk z prapanovaj pradavać toj ža kalij rasijanam, ale ź vialikim dyskontam.

«Heta byŭ asnoŭny łahistyčny kalidor». Jak ciapier «Biełaruśkalij» budzie pastaŭlać pradukcyju na ekspart?

Z 1 lutaha Litva skasuje pahadnieńnie pamiž Litoŭskaj čyhunkaj i «Biełaruśkalijem»

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča

Usie naviny →
Usie naviny

Novy biełaruski aniekdot pra pamier1

Pamiežny kamitet raskazaŭ svaju viersiju zakryćcia biełaruska-łatvijskaj miažy

Rasijanin paspračaŭsia, što prysiadzie 2 tysiačy razoŭ. Zakład jon vyjhraŭ, ale ŭ jaho stali nyrki4

Pavieł Duraŭ padziakavaŭ francuzskim śledčym3

Pažar u Ikea ŭ Vilni ažyćciavili padletki z Ukrainy pa zamovie rasijskich śpiecsłužbaŭ6

Prezident ZŠA papularny jak nikoli35

U Biełarusi zafiksavany pieršy vypadak śmierci dziciaci ad vejpu2

Jahor Kryd śćviardžaje, što jamu nie dazvalajuć vystupić u Minsku8

U Jeŭraparłamiencie zapatrabavali ad ZŠA viarnuć Francyi statuju Svabody5

bolš čytanych navin
bolš łajkanych navin

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić