«Śpiecyfičnyja bazy danych, nie chapaje śpiecyjalistaŭ adnavić». Što adbyvajecca na čyhuncy paśla ŭzłomu? Padrabiaznaści
Druhi dzień na čyhuncy nie pracuje anłajn-siervis dla pakupki kvitkoŭ, pasažyry kažuć pra prablemy z tabło na stancyjach. Jakija jašče prablemy jość praz zboj i ci chutka ŭsio adnoviać?
Zboj zakranuŭ šmat aŭtamatyzavanych pracoŭnych miescaŭ, kažuć u stačkamie čyhunki. Naprykład, aŭtamatyzavanuju sistemu kantrolu biaśpieki — tudy ŭnosiacca ŭsie paviedamleńni pra nadzvyčajnyja zdareńni (niepasredna na biaśpiecy ruchu ciahnikoŭ heta nie adbiłasia). Paciarpieła taksama sistema biznes-płanavańnia.
«Buchhałteryja ŭručnuju rabiła raźliki, kab svoječasova vypłacić zarobki», — tłumačać stačkamaŭcy.
Prablemy jość z elektronnaj sistemaj dla afarmleńnia dakumientaŭ na hruzavyja pieravozki (tam prachodzili tavarnyja nakładnyja, inšyja daviedki).
«Nie mohuć chutka adnavić, bo nie chapaje śpiecyjalistaŭ, usich pazvalniali. Tam śpiecyfičnyja bazy danych, maładyja śpiecyjalisty ŭ IT nie viedajuć, jak ź imi pracavać», — miarkujuć našy surazmoŭcy.
Na sajcie Biełčyhunki visić abjava, što daviedka ŭ internecie i anłajn-siervis dla kupli kvitkoŭ časova nie pracujuć pa techničnych pryčynach. Kab kupić kvitki ci viarnuć nabytyja elektronnyja, prosiać źviartacca ŭ kasy.
Kali adnoviać hety anłajn-siervis, stačkamu nieviadoma. Kažuć, što nibyta była vydalena baza, jakaja adkazvaje za kvitki, ale vierahodna zachavałasia kopija.
Siońnia va Upraŭleńnie i raźlikovy centry Biełčyhunki prychodzili ludzi z KDB i AAC. Nakolki viadoma supracoŭnikam, ich vizit źviazany z tym, što na pradpryjemstvie ličać, što ŭzłom adbyŭsia znutry sistemy.
Aficyjnaha kamientara Biełčyhunki pa situacyi nie było.
Raniej abjadnańnie chakieraŭ uziało na siabie adkaznaść za ŭzłom. Jany zajavili, što zašyfravali častku siervisaŭ i baz danych. Abjadnańnie vystaviła patrabavańni: vyzvalić 50 palitviaźniaŭ, jakim patrebnaja ekstranaja mieddapamoha, i spynić prasoŭvańnie rasijskich vajskoŭcaŭ pa terytoryi Biełarusi.
Čytajcie pa temie:
«Prablemy pačalisia z troch hadzin nočy». Što jašče viadoma pra zboj u pracy čyhunki?
Abjadnańnie chakieraŭ ŭziało na siabie adkaznaść za zboj u pracy Biełčyhunki. Jany vysunuli svaje patrabavańni
-
Biełpoł: U Mielnikavaj byli dva palityčnyja pratakoły, jana jość u bazie «Biesparadki»
-
U Žłobinskim rajonie ŭ piensijaniera znajšli bojeprypasy, dazvoł na zachoŭvańnie jakich skončyŭsia paŭstahodździa tamu
-
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin
Ciapier čytajuć
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin9
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym88
Kamientary