Žycharu Bresta dali dva hady «chimii» za abraźlivy kamientar da fota Uładzimira Karanika
Sud Maskoŭskaha rajona Bresta prysudziŭ mužčynu da dvuch hadoŭ «chimii» za abrazu staršyni Hrodzienskaha abłvykankama Uładzimira Karanika. Pra heta paviedamlaje pres-słužba abłasnoha suda.
Zhodna z materyjałami spravy, 6 krasavika 2021 hoda ŭ adnoj z sacyjalnych sietak pad fotazdymkam staršyni Hrodzienskaha abłasnoha vykanaŭčaha kamiteta Uładzimira Karanika, «mužčyna raźmiaściŭ paviedamleńnie, jakoje ŭtrymlivaje vykazvańnie ŭ nieprystojnaj formie i prynižaje honar i hodnaść paciarpiełaha». Abvinavačańnie śćviardžaje, što mužčyna «mieŭ namier na publičnuju abrazu pradstaŭnika ŭłady ŭ suviazi z vykanańniem im słužbovych abaviazkaŭ».
Sud pryznaŭ mužčynu vinavatym u «publičnaj abrazie pradstaŭnika ŭłady ŭ suviazi z vykanańniem im słužbovych abaviazkaŭ» i na padstavie art. 369 KK prysudziŭ jaho da dvuch hadoŭ abmiežavańnia voli z nakiravańniem u papraŭčuju ŭstanovu adkrytaha typu, to-bok jamu dali dva hady «chimii» za kamientar.
Piersanalny kampjutar «Piłot», jaki naležyć mužčynu, kanfiskavali.
Prysud nie ŭstupiŭ u zakonnuju siłu i moža być abskardžany.
Zhodna z apublikavanymi niadaŭna vynikami sacyjałahičnaha apytańnia Chatham House, staršynia Hrodzienskaha abłvykankama Uładzimir Karanik maje značny admoŭny indeks davieru — navat horšy, čym Łukašenka. Davier da Karanika prykładna jak u byłoha kiraŭnika MUS Juryja Karajeva.
Mienavita Uładzimir Karanik uznačalvaŭ ministerstva achovy zdaroŭja padčas pieršych chvalaŭ pandemii karanavirusa, chavaŭ źviestki i pra niebiaśpiečnaść zachvorvańnia, i pra epidemičnaje stanovišča ŭ krainie.
Viadomy taksama skandalny vypadak, jak, naviedvajučy pradpryjemstva «Hrodna Azot», Uładzimir Karanik zajaviŭ, što źbity padčas akcyj pratestu supracoŭnikami AMAP 16-hadovy padletak «atrymaŭ u mordu», tamu što byŭ atručany «psichatropami». Advakat padletka, jaki paśla źbićcia znachodziŭsia ŭ komie, abvierh słovy hubiernatara dakumientami.
Kiraŭnik Hrodzienskaj vobłaści raskazaŭ, jak reahuje na krytyku ŭ internecie
Karanik sustreŭsia sa studentami. Paśla ŭ sieciva trapiŭ zapis, dzie abmiarkoŭvałasia admiena masačnaha režymu
Łukašenka: Chto tam u Rasii viakaje na šmatviektarnaść Biełarusi i vyzvaleńnie palitviaźniaŭ?10
Kamientary