Biełaruska zrabiła ściah ź imionami tysiačy palitviaźniaŭ FOTAFAKT
Biełaruska Maryja Hryc, jakaja ciapier žyvie ŭ Kijevie, zrabiła ściah, napisaŭšy na im čyrvonymi litarami imiony biełaruskich palitviaźniaŭ.
«Ja nie ŭmieju malicca, ale hety čas byŭ jak śpiecyfičnaja malitva za ŭsich źniavolenych i ich blizkich. Heta imiony palitviaźniaŭ. Dumała napisać tolki tuju tysiaču, što ciapier u źniavoleńni, ale pakul toje-sioje, vyjšaŭ palitviazień, i ja zrazumieła, što imiony tut musiać być usie, ad 1990-ch hadoŭ. Spadziajusia, što nie vypadzie praciahvać śpis, ale razumieju, što pryjdziecca jašče dapisvać», — napisała jana ŭ Fejsbuku.
Maryja spačatku vyrašyła pisać imiony z 2006 hoda, takija źviestki jość na «Viaśnie». Ale potym skazała, što dapiša proźviščy ad 1996 hoda. Adnymi ź pieršych byli Słavamir Adamovič, aryštavany za antyprezidencki vierš u 1996-m, i Alaksiej Šydłoŭski, asudžany za hrafici ŭ 1997-m.
Pavodle pravaabaroncaŭ, na siońniašni momant u krainie 1006 palitviaźniaŭ.
Kamientary