Беларуска Марыя Грыц, якая цяпер жыве ў Кіеве, зрабіла сцяг, напісаўшы на ім чырвонымі літарамі імёны беларускіх палітвязняў.
«Я не ўмею маліцца, але гэты час быў як спецыфічная малітва за ўсіх зняволеных і іх блізкіх. Гэта імёны палітвязняў. Думала напісаць толькі тую тысячу, што цяпер у зняволенні, але пакуль тое-сёе, выйшаў палітвязень, і я зразумела, што імёны тут мусяць быць усе, ад 1990-х гадоў. Спадзяюся, што не выпадзе працягваць спіс, але разумею, што прыйдзецца яшчэ дапісваць», — напісала яна ў Фэйсбуку.
Марыя спачатку вырашыла пісаць імёны з 2006 года, такія звесткі ёсць на «Вясне». Але потым сказала, што дапіша прозвішчы ад 1996 года. Аднымі з першых былі Славамір Адамовіч, арыштаваны за антыпрэзідэнцкі верш у 1996-м, і Аляксей Шыдлоўскі, асуджаны за графіці ў 1997-м.
Паводле праваабаронцаў, на сённяшні момант у краіне 1006 палітвязняў.
Дзе працуюць і як выглядаюць жонкі топ-чыноўнікаў?6
Каментары