Biełaruś prypyniła čyhunačny tranzit litoŭskich hruzaŭ. Hruzapatok źmienšyŭsia na 10 pracentaŭ
Niekatoryja katehoryi litoŭskich hruzaŭ, u tym liku naftapradukty i ŭhnajeńni, bolš nie mohuć śledavać čyhunačnym tranzitam praz terytoryju Biełarusi.
U paniadziełak ustupiła ŭ siłu rašeńnie ab prypynieńni takoha tranzitu, pryniataje Minskam u adkaz na zabaronu tranzitu ŭ Kłajpiedski marski port Litvy na Bałtycy ŭhnajeńniaŭ Biełaruśkalija. Pra heta paviedamiła TASS sa spasyłkaj na Litoŭskuju čyhunku.
«U vyniku nakładzienaj uładami Biełarusi zabarony kolkaść sfarmavanych na praciahu miesiaca hruzavych sastavaŭ pamienšycca na 45 i składzie 480-540 sastavaŭ, jakija buduć pieravozić hruzy, u dačynieńni da jakich abmiežavańni nie dziejničajuć», — adznačyła viedamstva. Heta, naprykład, pradukty charčavańnia.
Bolš za ŭsio ad uviedzienych Minskam mier, pavodle acenki Litoŭskaj čyhunki, pacierpiać litoŭskija pramysłovyja hihanty — adziny ŭ krainach Bałtyi zavod pa vytvorčaści azotnych uhnajeńniaŭ «Achiema», jaki pracuje ŭ horadzie Jonava, i adzinaje ŭ krainach Bałtyi naftapierapracoŭčaje pradpryjemstva ŭ horadzie Mažejkiaj.
Nahadajem, što 12 studzienia urad Litvy pastanaviŭ anulavać z 1 lutaha dahavor ab čyhunačnym tranzicie biełaruskich kalijnych uhnajeńniaŭ u śviecie uviedzienych 8 śniežnia 2021 hoda ZŠA sankcyj suprać Biełaruśkalija. Dahavor byŭ padpisany ŭ 2018 hodzie da 2023-ha i praduhledžvaŭ tranzit praź Litvu i pahruzku ŭ Kłajpiedskim porcie 11 młn ton biełaruskich uhnajeńniaŭ u hod.
U adkaz ułady Biełarusi zajavili ab spynieńni z 7 lutaha litoŭskaha čyhunačnaha hruzavoha tranzitu praz svaju terytoryju.
Čytajcie taksama:
«Kommiersant'»: Alternatyŭnych varyjantaŭ dla transparciroŭki biełaruskaha kaliju ciapier niama
Bolš jak na 1 młrd dalaraŭ štohod. Biełaruś uvodzić zabaronu na čyhunačny tranzit ź Litvy naftapraduktaŭ i inšych hruzaŭ
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?7
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary