Беларусь прыпыніла чыгуначны транзіт літоўскіх грузаў. Грузапаток зменшыўся на 10 працэнтаў
Некаторыя катэгорыі літоўскіх грузаў, у тым ліку нафтапрадукты і ўгнаенні, больш не могуць следаваць чыгуначным транзітам праз тэрыторыю Беларусі.
У панядзелак уступіла ў сілу рашэнне аб прыпыненні такога транзіту, прынятае Мінскам у адказ на забарону транзіту ў Клайпедскі марскі порт Літвы на Балтыцы ўгнаенняў Беларуськалія. Пра гэта паведаміла ТАСС са спасылкай на Літоўскую чыгунку.
«У выніку накладзенай уладамі Беларусі забароны колькасць сфармаваных на працягу месяца грузавых саставаў паменшыцца на 45 і складзе 480-540 саставаў, якія будуць перавозіць грузы, у дачыненні да якіх абмежаванні не дзейнічаюць», — адзначыла ведамства. Гэта, напрыклад, прадукты харчавання.
Больш за ўсё ад уведзеных Мінскам мер, паводле ацэнкі Літоўскай чыгункі, пацерпяць літоўскія прамысловыя гіганты — адзіны ў краінах Балтыі завод па вытворчасці азотных угнаенняў «Ахема», які працуе ў горадзе Ёнава, і адзінае ў краінах Балтыі нафтаперапрацоўчае прадпрыемства ў горадзе Мажэйкяй.
Нагадаем, што 12 студзеня урад Літвы пастанавіў ануляваць з 1 лютага дагавор аб чыгуначным транзіце беларускіх калійных угнаенняў у свеце уведзеных 8 снежня 2021 года ЗША санкцый супраць Беларуськалія. Дагавор быў падпісаны ў 2018 годзе да 2023-га і прадугледжваў транзіт праз Літву і пагрузку ў Клайпедскім порце 11 млн тон беларускіх угнаенняў у год.
У адказ улады Беларусі заявілі аб спыненні з 7 лютага літоўскага чыгуначнага грузавога транзіту праз сваю тэрыторыю.
Чытайце таксама:
«Коммерсантъ»: Альтэрнатыўных варыянтаў для транспарціроўкі беларускага калію цяпер няма
Больш як на 1 млрд даляраў штогод. Беларусь уводзіць забарону на чыгуначны транзіт з Літвы нафтапрадуктаў і іншых грузаў
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары