«Što nie dazvolena, toje zabaroniena». Ci možna fatahrafavać biuleteń?
27 lutaha — asnoŭny dzień hałasavańnia na refierendumie ab pryniaćci papravak u Kanstytucyju. Siońnia pačałosia daterminovaje hałasavańnie. Pytańni nakont pavodzinaŭ na ŭčastku žurnalisty zadali staršyni Homielskaj abłasnoj kamisii pa refierendumie Alaksieju Niavieravu.
U hetuju kampaniju na ŭčastkach kabinki dla hałasavańnia adkrytyja. Takim čynam toje, što budzie rabić u kabincy vybarščyk, nie budzie źjaŭlacca tajamnicaj dla prysutnych. Ci maje prava vybarščyk pajści jašče dalej i sfatahrafavać vynik svajho hałasavańnia?
— Nie. Vybarčym kodeksam […] biuleteni fatahrafavać zabaroniena. Jość u nas 13-y artykuł Vybarčaha kodeksa, u jakim adznačana, što dazvolena naziralniku, — kaža staršynia Homielskaj abłasnoj kamisii pa refierendumie.
— A što zabaroniena?
— Što nie dazvolena, toje zabaroniena.
— Nie naziralniku, a tamu chto hałasuje?
— Nielha … Nu vam dla čaho jaho fatahrafavać? Na pamiać? Sfatahrafujcie voś baniery ŭ haradach.
Pa pierakanańni staršyni abłasnoj kamisii pa refierendumie, prava na tajamnicu hałasavańnia ciapier źjaŭlajecca abaviazkam hramadzianina.
— Ja chaču ź biuleteniem sfatahrafavacca. Heta ž majo prava.
— Jakoje prava? Adkryć ci nie adkryć? U nas ža tajnaje hałasavańnie. Dzie ŭ vas napisanyja pravy, što heta vaša prava — adkryć svaju tajamnicu? Ja vam zadaju pytańnie — dzie napisana?
Miž tym, vybarčaje prava nie zabaraniaje fatahrafavać biuleteni. Ciapierašnija zabarony členaŭ kamisij na fotazdymki, adkrytyja kabinki — reakcyja na pracu płatformy «Hołas», jakaja, jak i na minułych prezidenckich vybarach, maje namier raskryć falsifikacyi hałasavańnia.
Apazicyjnyja demakratyčnyja siły zaklikali prychilnikaŭ pieramien stavić dva kryžyki ŭ biuleteni i rabić takim čynam jaho niesapraŭdnym.
«Pierš za ŭsio — pakazać, jak šmat ludziej nie zhodnyja ź dziejańniami ŭłady». Pavieł Libier pra płany «Hołasu» na refierendum
Navošta advarotny bok biuleteniaŭ na refierendumie zrabili kalarovym? Niečakanaje tłumačeńnie ad člena kamisii
Čamu refierendum užo ciapier možna ličyć niesapraŭdnym
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary