Śviatłana Cichanoŭskaja źviarnułasia da biełarusaŭ u suviazi z vajnoj va Ukrainie. Jana adznačaje, što kožny biełarus ci biełaruska pavinny spytać siabie, «što hatovy zrabić mienavita jon ci jana». Cichanoŭskaja prapanavała biełarusam aktyŭnyja dziejańni.
«Heta z našych aeradromaŭ uźlatajuć samaloty i skidvajuć bomby na Žytomir, z našych paloŭ zapuskajuć rakiety na Čarnihaŭ. Praz našy pahraničnyja pierachody sotni tankaŭ štodzionna ŭvachodziać va Ukrainu, — adznačyła jana. — […] Mnie telefanujuć z Ukrainy i kažuć: «My bačym, što vy vyjšli na vulicy. Ale ŭ nas vajna. Ciapier niedastatkova prosta być suprać hetaj vajny».
I ja baču, što kali my z vami ciapier spynimsia i pierastaniem zmahacca za niezaležnaść i suprać režymu, jaki vajuje z Ukraincami i zdaje krainu Kramlu, to ŭsie našy mary pra Novuju Biełaruś pojduć śledam za ruskim vajennym karablom».
«Mnie pišuć: «Zapuścicie antyvajenny ruch». Ale antyvajenny ruch užo zapuščany biełarusami. Vaš vychad na vulicu. Akcyi kibierpartyzan, relsavyja dyviersii «Supracivu» i ByPol, Sajuz maci, ekanamičny supraciŭ, vyvad sa stroju techniki na pradpryjemstvach, zvarot biełaruskaj intelihiencyi suprać vajny. Usio heta ŭžo adbyvajecca, heta i jość antyvajenny ruch, — praciahvaje jana. — Jość tolki adna adzinaja harantyja pośpiechu hetaha ruchu.
Kali kožny, chto hladzić hetaje videa, spytaje siabie, što hatovy zrabić mienavita jon ci jana. Nie tolki rabočyja, nie tolki partyzany, nie tolki vajennyja, nie lubyja inšyja ludzi, a mienaivta vy. Ja viedaju, što ŭ vas jość siła, što vy zdolnyja na mnohaje. Ja bačyła heta na svaje vočy. I što b ciapier ni kazali pra biełarusaŭ, ja nie vieru, što my hatovyja zdacca».
«Supraćstajańnie vajnie va Ukrainie i baraćba za demakratyju — heta ciapier dźvie mety adnaho vialikaha ruchu. Mabilizacyja ŭžo idzie poŭnym chodam. Ale kali treba, kab ja, uziaŭšy na siabie adkaznaść nacyjanalnaha lidara, skazała heta aficyjna, to ja kažu. Ja abviaščaju antyvajennuju mabilizacyju.
U bližejšy tydzień usie našy dziejańni pavinny pryvieści da dvuch vynikaŭ: biełarusaŭ pierastajuć usprymać jak ahresaraŭ, biełaruskija vajskoŭcy admaŭlajucca ŭdzielničać u vajnie ci adrazu pierachodziać na bok ukraincaŭ».
Śviatłana Cichanoŭskaja prapanoŭvaje biełarusam raspasiudžvać praŭdu i zmahacca z prapahandaj, mabilizavać maci, kab pieraškodzić adpraŭcy ich blizkich na vajnu, uzmacnić ekanamičny i inšy supraciŭ i hetak dalej.
Ciapier čytajuć
Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja14
Kamientary