Kala biełaruskaj ambasady ŭ Rymie niešta vybuchnuła. Italjancy kažuć pra pietardu, biełarusy pra «terakt»
Italjanskija miedyja paviedamlajuć, što kala biełaruskaj ambasady ŭ Rymie padarvali prostuju pietardu, ale MZS Biełarusi nastojvaje na viersii «teraktu», piša Radyjo Svaboda.
Jak pišuć miascovyja žurnalisty z haziety Correra della sera, incydent adbyŭsia ŭ aŭtorak uviečary. Paviedamlajecca, što vybuch nie zrabiŭ nijakaj škody budynku i nie nanios nijakich traŭmaŭ supracoŭnikam dypłamatyčnaha pradstaŭnictva Biełarusi.
Ale MZS Biełarusi śćviardžaje, što vybuch adnoj z pryład adbyŭsia ŭ niepasrednaj blizkaści ad hazavaj truby i heta ŭjaŭlała «niepasrednuju niebiaśpieku ŭsiamu budynku i možna kazać pra adpaviednyja mety złamyśnikaŭ». Pavodle biełaruskaha boku, adzin z pradmietaŭ nie zdetanavaŭ.
Pavodle zajavy MZS, vybucham byli
«vybityja vokny ŭ konsulskim pamiaškańni, defarmavanaja mietaličnaja łaŭka, jakuju vybuchovaj chvalaj pierakinuła praz 1,5-mietrovuju ŭnutranuju aharodžu i adkinuła na 5-7 metraŭ u bok, mietaličnaja šafa dla zachoŭvańnia rečaŭ dla asob, jakija prybyvajuć na konsulski pryjom, asobnyja bietonnyja plity i h. d».
U zajavie taksama havorycca: «Supracoŭnikami pravaachoŭnych orhanaŭ Italii, jakija prybyli na miesca, zdareńnie papiarednie kvalifikavana jak terarystyčny akt».
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie29
Kamientary