Źniać vialikija sumy valuty ź biełaruskich rachunkaŭ stanovicca prablematyčna
Čytačy «Našaj Nivy» sihnalizujuć ab prykmietach abmiežavańnia vydačy valuty ŭ Biełarusi. Takaja infarmacyja pryjšła ad klijentaŭ Biełhazprambanka, BiełVEBa, Pryjorbanka.
«Toje, što treba pisać zajavu na vydaču hatoŭkaj vialikich sumaŭ valuty i čakańnie zajmaje niekalki sutak — to takaja praktyka isnavała zaŭsiody», — tłumačyć svaju situacyju čytač «Našaj Nivy», jakomu treba źniać $50 tysiač.
— Ale ciapier uźnikła źjava «čarhi», kali ty, zdajecca, napisaŭ zajavu, čakaješ, ale ŭ banku tłumačać, što pierad taboj «čarha», i ŭsim buduć vydavać hrošy pa miery ich najaŭnaści — «situacyja ž ciažkaja, vy ž razumiejecie». Tamu, pa fakcie, źniać valutu prablematyčna, pahladzim, ci ŭvohule realna».
Inšy biełarus, jakomu treba źniać $35 tysiač, kaža, što bank nastojliva prapanuje pravieści tuju apieracyju, dla jakoj jamu patrebnyja hrošy, bieznajaŭnymi, ale jaho takoje nie zadavalniaje.
«Skazali, što vydaduć u paradku «čarhi». Ale ja nie viedaju, kolki ludziej u čarzie pierad mnoj, mnie nie kažuć. Pry hetym, jak ja razumieju, valuta jość, prosta jaje prytrymlivajuć, bo pradbačać prablemy ŭ chutkaj budučyni. Ź finansavaha hledzišča ja svoj bank razumieju», — kaža jon.
Viadoma taksama pra prablemy sa źniaćciom valuty i ŭ jurydyčnych asob.
Asabliva vostra z hetym sutykajucca kampanii, jakija adpraŭlajuć svaich supracoŭnikaŭ u častyja kamandziroŭki (naprykład, łahistyčnyja firmy), i ŭžo nie mohuć być upeŭnienymi ŭ dziejnaści biełaruskich kartaŭ za miažoj — im treba zdymać valutu.
«Ale banki nieachvotna vydajuć, tłumačać prablemami z valutaj, niedzie zusim nie vydajuć», — tłumačyć kiraŭnik adnoj ź firm.
«Ź jeŭra mienš prablem, čym z dołaram, i jość mahčymaść damaŭlacca», — kaža kiraŭnik inšaj.
U toj ža čas, prablem sa źniaćciom ci abmienam nievialikich sum (da niekalkich tysiač) pakul niama.
Učora Centrabank Rasii ŭvioŭ abmiežavańni na vydaču valuty — 10 tysiač dołaraŭ dla ŭłaśnikaŭ valutnych rachunkaŭ.
Siońnia stała viadoma, što ŭ ramkach sankcyj ES zabaronienyja pastaŭki najaŭnych jeŭra ŭ Biełaruś.
Čytajcie taksama:
U Rasii zabaranili prodaž valuty, abmiežavali źniaćcio valuty z depazitaŭ
Stała viadoma, jakija try biełaruskija banki adklučać ad SWIFT
Častku rasijskich bankaŭ adklučyli ad SWIFT, a Jeŭrasajuz zabaraniŭ pastaŭlać najaŭnyja jeŭra. Jak heta nas zakranie?
Krynicy: Spažyvieckaje kredytavańnie spyniajecca. Padrabiaznaści zakrytaj narady ŭ Nacbanku
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała22
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5454
Kamientary