Rasija i Ukraina pastaŭlajuć na suśvietny rynak kala traciny pšanicy i piatuju častku kukuruzy, tamu ich vajenny kanflikt moža pryvieści da krajniaha niedachopu charčavańnia ŭ samych biednych krainach, zajaviŭ niamiecki ekśpiert.
Pry najbolš niespryjalnym scenaryi vajna va Ukrainie moža paciahnuć za saboj hoład dla sta miljonaŭ čałaviek, ličyć niamiecki ekśpiert u halinie ahrarnaj ekanomiki, prafiesar univiersiteta ŭ Bonie Macin Kaim, paviedamlaje Deutsche Welle.
U Rasii i Ukrainie vyroščvajecca kala traciny ŭsioj pradavajemaj na suśvietnym rynku pšanicy, piataja častka kukuruzy i vyrablajecca try čverci aleju, zajaviŭ Kaim u intervju Frankfurter Allgemeine Sonntagszeitung.
Abiedźvie krainy ekspartujuć vialikija abjomy praduktaŭ charčavańnia ŭ Paŭnočnuju Afryku i ŭ krainy Blizkaha i Siaredniaha Uschodu, u pryvatnaści Jehipiet, Liviju i Livan, padkreśliŭ ekśpiert.
Akramia taho, ad rasijskaha ŭvarvańnia va Ukrainu i jaho ekanamičnych nastupstvaŭ mohuć paciarpieć «jašče bolš biednyja krainy, dzie ŭžo ciapier haładaje vialikaja kolkaść ludziej», zajaviŭ prafiesar z Bona, ukazaŭšy, u pryvatnaści, na Samali, Čad, Madahaskar i Banhładeš.
Kamientary