Rasijskaja avijacyja apynułasia ŭ niezajzdrosnym stanoviščy, i zabarona na paloty ŭ ES — nie samaja vialikaja ź jaje prablem. Našmat bolš surjoznyja nastupstvy vyklikajuć sankcyi na pavietranyja sudny, amal uvieś rasijski cyvilny pavietrany park vyrableny na Zachadzie. I šmat jakija samaloty, jakimi karystajucca rasijskija kampanii, im nie naležać, pradastaŭlenyja na pravach lizinhu.
Praź niebiaśpieku taho, što pryjdziecca viartać hetyja samaloty, rasijskaja avijakampanija «Aerafłot» całkam spyniła paloty za miažu (akramia Biełarusi), piša Business Insider.
Bolš za 700 «rasijskich» samalotaŭ zarehistravanyja na Biermudach, ale miascovy rehulatar spyniŭ dziejańnie siertyfikataŭ lotnaj prydatnaści rasijskich sudnaŭ, bieź jakich samaloty nie dapuskajucca da ekspłuatacyi. Pryčyna — mižnarodnyja sankcyi na rasijskuju avijahalinu, praź jakija taja nibyta nie moža harantavać jakasnaje techabsłuhoŭvańnie sudnaŭ. U adkaz Rasija prypyniła dziejańnie mižuradavaha pahadnieńnia ab nahladzie za zarehistravanymi samalotami, i ekśpierty ličać heta vielizarnym mižnarodnym kradziažom.
Ciapier Uładzimir Pucin padpisaŭ zakon, jaki dazvolić rasijskim kampanijam afarmlać pravy na samaloty, što znachodziacca ŭ ich u lizinhu. Raźličvajecca, što nacyjanalizavanyja sudny buduć vykarystoŭvać na ŭnutranych rejsach. Ale ž i ŭ hetaha płana jość svaje składanaści.
Navat kali Rasija i pakinie sabie zachodnija samaloty, jana nie zdoleje biaśpiečna imi karystacca praciahły čas. Vialikija suśvietnyja vytvorcy avijadetalaŭ, navat z Kitaja, admaŭlajucca pastaŭlać Maskvie svaju pradukcyju, i ŭ takoj situacyi niama mahčymaści zabiaśpiečyć naležnaje techničnaje absłuhoŭvańnie mašyn.
Inšaja prablema tyčycca strachoŭki. Zvyčajna jaje robiać u Brytanii, ale ciapier rasijskija avijakampanii znachodziacca pad sankcyjami z boku hetaj krainy. Mahčyma, Rasija vyrašyć zamiest hetaha strachavać samaloty na terytoryi svajoj krainy. Narešcie, navat krainy, jakija jašče nie zakryli svajo nieba ad rasijskich samalotaŭ, mohuć ich pasadzić na ziamlu za toje, što tyja bolš nie adpaviadajuć standartam biaśpieki.
Analityki ličać, što za niekalki tydniaŭ rasijskaja avijacyja vierniecca na ŭzrovień 30-hadovaj daŭniny i paraŭnajecca pa statusie z paŭnočnakarejskaj ci iranskaj. Tym nie mienš, uładalnikam zachodnich samalotaŭ, napeŭna, pryjdziecca źmirycca sa strataj svaich łajnieraŭ.
Defołtu ŭ Rasii pakul nie budzie
Kazachstanskija ŭłady paćvierdzili zatrymańnie ŭładalnika biełaruskaj franšyzy Mcdonald's
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary