U paniadziełak na pasiadžeńni Biełaruska‑vieniesuelskaj sumiesnaj kamisii vysokaha ŭzroŭniu padpisana dapaŭnieńnie da ŭstanoŭčych dakumientaŭ ab stvareńni sumiesnaha pradpryjemstva pa zdabyčy nafty «Pietralera BiełaVieniesałana» ŭ suviazi z dałučeńniem da jaho troch novych radoviščaŭ (Łahuniljas‑błok 2, Ostra, Arytupana Norte).
Akramia hetaha, biełaruski i vieniesuelski baki padpisali Miemarandum ab uzajemarazumieńni pamiž Ministerstvam pa achovie navakolnaha asiarodździa Vieniesueły i Dziaržkammajomaści Biełarusi, Miemarandum ab vyvučeńni hazavych radoviščaŭ, a taksama Pratakoł ab namierach pamiž Biełaruskim mietałurhičnym zavodam i vieniesuelskaj kampanijaj Bariven.
Zaviaršajučy pasiadžeńnie, pamočnik prezidenta Biełarusi pa asablivych daručeńniach Viktar Šejman padkreśliŭ, «vielmi važna, kab usio, ab čym my damovilisia, jak maha chutčej było ažyćcioŭlena».
Jak paviedamiŭ žurnalistam pieršy vice‑premjer Biełarusi Uładzimir Siamaška, bakami taksama dasiahnuta damoŭlenaść ab padpisańni rabočaha hrafika, u adpaviednaści ź jakim da kanca biahučaha hoda praduhledžvajecca zaviaršeńnie prajektnych rabot pa budaŭnictvie zavodaŭ z udziełam biełarusaŭ na vieniesuelskaj terytoryi, a da kanca 2010 hoda płanujecca zaviaršyć budaŭnictva zavodaŭ pa vytvorčaści hruzavikoŭ (mahutnaściu da 5 tys.) i aŭtatraktaroŭ (mahutnaściu da 10 tys.).
Ciapier čytajuć
Adzin z zahinułych siońnia vajskoŭcaŭ — 26‑hadovy minčuk Kirył. Što pra jaho viadoma2
Kamientary