Ukraina vyrablała pałovu ŭsiaho nieonu ŭ śviecie. Ciapier usie adčujuć deficyt paŭpravadnikoŭ
Nieon — haz, nieabchodny dla vytvorčaści paŭpravadnikovych čypaŭ. Biez pastavak z Ukrainy rynak mocna heta adčuje. Nasupierak mantry rasijskaj i łukašenkaŭskaj prapahandy pra zaniapad ukrainskaj ekanomiki, nasamreč, ukraincy byli suśvietnymi lidarami ŭ mnohich śfierach.
Štohod u śviecie dla vytvorčaści paŭpravadnikoŭ vykarystoŭvajecca 540 ton nieonu. Asnoŭnymi spažyŭcami hetaha iniertnaha hazu źjaŭlajucca krainy-lidary pa vytvorčaści elektroniki — ZŠA, Tajvań, krainy Jeŭropy, Japonija, Kareja, Kitaj, Indyja i Tajłand. Mienavita ŭ hetyja krainy dva ŭkrainskija zavody pastaŭlali nieon, zakryvajučy ŭ sukupnaści da 50% suśvietnaha popytu na jaho.
«Inhaz» — pradpryjemstva, što znachodzicca ŭ Maryupali, spynienaje ź pieršych dzion vajny, Cryoin Engineering z Adesy taksama nie pracuje, bo vakoł horada kružać rasijskija samaloty i sudny.
Druhim bujnym vytvorcam nieonu była Rasija, jakaja va ŭmovach sankcyj, vierahodna, nie zdoleje pastaŭlać pradukcyju na suśvietny rynak.
Praz hetuju situacyju popyt na nieon značna pieravyšaje prapanovy na rynku, što, jak paviedamlaje South China Morning Post, vyklikała imhnienny rost koštaŭ — z 290$ za kubičny mietr u mirny čas da 2500$ ciapier.
Nieon taksama vykarystoŭvajecca dla vytvorčaści łaziernaj i kryjahiennaj techniki, u śviatłatechnicy i rekłamie, radyjoelektronicy i miedycynie.
U śviecie ŭźnik deficyt kampjutarnych čypaŭ. Jak tak zdaryłasia i čamu ad hetaha ciarpiać cełyja industryi?
Evalucyja hadžetaŭ
Jak Ukraina robić staŭku na bieśpiłotniki ŭ abaronie ad Rasii
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary