Polski hienierał: Paśla Ukrainy rasijskaja armija budzie niazdolnaja da apieracyj na inšych kirunkach
Były načalnik Hienštaba Polščy śćviardžaje, što rasijskaja armija stracić svoj vajenny patencyjał u vyniku vajny va Ukrainie. Za Vilniu, Varšavu i Suvalski kalidor možna być spakojnymi, miarkuje jon.
Padčas apošniaha samitu NATA prezident Litvy Hitanas Naŭsieda vykazaŭ zakłapočanaść mahčymym napadam rasijskich vojskaŭ na Suvalski kalidor.
Suvalski kalidor — vuzkaja, 65-kiłamietrovaj šyryni pałoska pamiž Kalininhradskaj vobłaściu Rasii i Biełaruśsiu. Heta taksama adzinaja suchaputnaja daroha miž krainami Bałtyi i astatnimi častkami NATA i Jeŭrasajuza.
«Kali pahroza z boku Rasijskaj Fiederacyi budzie ŭzrastać, NATA adreahuje adekvatnym čynam. Ciapierašniaja acenka vyviedki pakazvaje na toje, što patencyjał strymlivańnia ŭ hetym rehijonie dastatkovy», — miarkuje były načalnik Hienštaba Polščy hienierał Miečysłaŭ Cieniuch.
Suvalski kalidor adździalaje terytoryju Biełarusi ad Kalininhradskaj vobłaści, jakaja maje vialikaje značeńnie dla Rasijskaj Fiederacyi pieradusim z vajskovych mierkavańniaŭ, tamu što tam znachodzicca vialikaja vajenna-marskaja baza Bałtyjskaha fłota. U Kalininhradskaj vobłaści šmat rakietnych vojskaŭ, jakija mohuć atakavać abjekty na terytoryi NATO. Kalininhrad taksama važny dla Rasii z palityčnych matyvaŭ, jakaja ŭ svajoj prapahandzie vykarystoŭvaje toj fakt, što hetuju terytoryju Zachad moža lohka adździalić ad fiederacyi.
«Pačatak vajny va Ukrainie śviedčyć ab tym, što kiraŭniki Rasijskaj Fiederacyi stali niepradkazalnymi i tamu niebiaśpiečnymi. U vajennym sensie rasijskaja armija ŭ vyniku vajny z Ukrainaj stracić šmat sa svajho patencyjału, i novyja apieracyi ŭ jaje ažyćciaŭleńni — na moj pohlad — buduć niemahčymyja ŭ karotkaterminovaj pierśpiektyvie. Asabliva, kali ekanamičnyja sankcyi buduć uzmacniacca i zachavajucca na praciahu doŭhaha pieryjadu času. Apieracyju, padobnuju da toj, jakuju jana ciapier pravodzić va Ukrainie, Rasija prosta nie zmoža pačać u inšym kirunku ŭ bližejšyja niekalki hadoŭ», — ličyć hienierał Miečysłaŭ Cieniuch.
«Naša Niva» adnaŭlaje zbor danataŭ — padtrymać prosta
Pad liniejku: US RF uručnuju navodziać minamiotnyja raźliki. U ZŠA takoha niama 40 hod
Ci pojduć tanki na śmietnik historyi? Mahčymaje nastupstva ŭkrainskaj vajny
-
«Zaniapad — heta vybar». Marka Rubia ŭ Miunchienie zaklikaŭ Zachad pryznać pamyłki i abnavić suśvietny paradak
-
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
-
Bieły dom apublikavaŭ valancinku z Hrenłandyjaj
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami26
Kamientary