Польскі генерал: Пасля Украіны расійская армія будзе няздольная да аперацый на іншых кірунках
Былы начальнік Генштаба Польшчы сцвярджае, што расійская армія страціць свой ваенны патэнцыял у выніку вайны ва Украіне. За Вільню, Варшаву і Сувальскі калідор можна быць спакойнымі, мяркуе ён.
Падчас апошняга саміту НАТА прэзідэнт Літвы Гітанас Наўседа выказаў заклапочанасць магчымым нападам расійскіх войскаў на Сувальскі калідор.
Сувальскі калідор — вузкая, 65-кіламетровай шырыні палоска паміж Калінінградскай вобласцю Расіі і Беларуссю. Гэта таксама адзіная сухапутная дарога між краінамі Балтыі і астатнімі часткамі НАТА і Еўрасаюза.
«Калі пагроза з боку Расійскай Федэрацыі будзе ўзрастаць, НАТА адрэагуе адэкватным чынам. Цяперашняя ацэнка выведкі паказвае на тое, што патэнцыял стрымлівання ў гэтым рэгіёне дастатковы», — мяркуе былы начальнік Генштаба Польшчы генерал Мечыслаў Ценюх.
Сувальскі калідор аддзяляе тэрыторыю Беларусі ад Калінінградскай вобласці, якая мае вялікае значэнне для Расійскай Федэрацыі перадусім з вайсковых меркаванняў, таму што там знаходзіцца вялікая ваенна-марская база Балтыйскага флота. У Калінінградскай вобласці шмат ракетных войскаў, якія могуць атакаваць абʼекты на тэрыторыі NATO. Калінінград таксама важны для Расіі з палітычных матываў, якая ў сваёй прапагандзе выкарыстоўвае той факт, што гэтую тэрыторыю Захад можа лёгка аддзяліць ад федэрацыі.
«Пачатак вайны ва Украіне сведчыць аб тым, што кіраўнікі Расійскай Федэрацыі сталі непрадказальнымі і таму небяспечнымі. У ваенным сэнсе расійская армія ў выніку вайны з Украінай страціць шмат са свайго патэнцыялу, і новыя аперацыі ў яе ажыццяўленні — на мой погляд — будуць немагчымыя ў кароткатэрміновай перспектыве. Асабліва, калі эканамічныя санкцыі будуць узмацняцца і захаваюцца на працягу доўгага перыяду часу. Аперацыю, падобную да той, якую яна цяпер праводзіць ва Украіне, Расія проста не зможа пачаць у іншым кірунку ў бліжэйшыя некалькі гадоў», — лічыць генерал Мечыслаў Ценюх.
«Наша Ніва» аднаўляе збор данатаў — падтрымаць проста
Пад лінейку: УС РФ уручную наводзяць мінамётныя разлікі. У ЗША такога няма 40 год
Ці пойдуць танкі на сметнік гісторыі? Магчымае наступства ўкраінскай вайны
Цяпер чытаюць
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары