U Homieli 19 žniŭnia prachodzić Dzień ćviarozaści
U miežach mierapryjemstvaŭ pa prafiłaktycy asacyjalnych pavodzinaŭ hramadzian 19 žniŭnia ŭ Homieli prachodzić Dzień ćviarozaści.
Realizacyja śpirtnych napojaŭ i piva abjektami handlu ŭ hety dzień zabaroniena. U pačatku 2009 hoda ŭłady horada sumiesna ź milicyjaj pryniali rašeńnie pravodzić Dni ćviarozaści štokvartalna.
Jak paviedamili BiełaPAN va ŭpraŭleńni prafiłaktyki UUS Homielskaha abłvykankama, papiaredni dzień ćviarozaści, jaki prajšoŭ u horadzie ŭ krasaviku, mieŭ stanoŭčyja vyniki — u hety dzień nie było zarehistravana ciažkich i asabliva ciažkich złačynstvaŭ, učynienych u hramadskich miescach i na bytavoj hlebie.
Kolkaść paviedamleńniaŭ ab siamiejnych skandałach u paraŭnańni sa zvyčajnymi vychadnymi dniami źmienšyłasia na 40%. Adnačasova z Dniami ćviarozaści ŭ horadzie pravodziać kompleks prafiłaktyčnych mierapryjemstvaŭ — rejdy pa handlovych kropkach, lekcyi i prafiłaktyčnyja hutarki ab škodnaści ałkaholu, masavyja mierapryjemstvy spartyŭnaha i zabaŭlalnaha charaktaru.
Za siem miesiacaŭ 2009 hoda milicyjaniery Homielskaj vobłaści kanfiskavali i źniščyli bolš jak 155 tysiač litraŭ samahonu i brahi. Pavodle infarmacyi ŭpraŭleńnia prafiłaktyki UUS Homielskaha abłvykankama, za hety pieryjad vyjaŭlena i spyniena bolš jak try tysiačy faktaŭ niezakonnaj realizacyi ałkaholnaj pradukcyi i parušeńniaŭ antyałkaholnaha zakanadaŭstva, kanfiskavana bolš jak 18 tysiač litraŭ śpirtu. Z pačatku hoda kala 20 tysiač čałaviek pryciahnuty da adkaznaści za raśpivańnie śpirtnych napojaŭ i znachodžańnie ŭ pjanym vyhladzie ŭ hramadskim miescy. Amal 600 žycharoŭ vobłaści — chraničnych ałkaholikaŭ nakiravali ŭ ŁPP.
Na ŭliku va ŭstanovach achovy zdaroŭja znachodziacca bolš jak 41 tysiača žycharoŭ vobłaści — ałkaholikaŭ.
Ciapier čytajuć
Mabilny Anžaliki Mielnikavaj z 19 sakavika znachodzicca na terytoryi Biełarusi66
Kamientary