Jakija punkty propusku na miažy ź ES pracujuć, kolki treba płacić za vyjezd i dzie jość elektronnaja čarha

Naziemny vyjezd ź Biełarusi na aŭtamabili płatny

Z 1 červienia 2021 hoda pačaŭ dziejničać padatak na vyjezd ź Biełarusi. Apłatu nieabchodna ździejśnić da ŭjezdu ŭ punkt propusku. Jana składaje 1 bazavuju vieličyniu (32 rubli) za transpartny srodak masaj da 5 ton niezaležna ad kolkaści pasažyraŭ u im.

Ad apłaty padatku vyzvalajucca nastupnyja hramadzianie (pry najaŭnaści patrebnych dakumientaŭ): kiroŭcy, jakija jeduć na pachavańnie členaŭ siamji i blizkich svajakoŭ, a taksama supravadžajučyja pamierłych dla pachavańnia, udzielniki i invalidy Vialikaj Ajčynnaj vajny, invalidy I i II hrup, a taksama ich supravadžajučyja, udzielniki likvidacyi nastupstvaŭ katastrofy na Čarnobylskaj AES, hramadzianie Biełarusi, jakija vyjazdžajuć na lačeńnie ŭ sanatorna-kurortnyja ŭstanovy.

Jak płacić padatak na vyjezd možna pahladzieć tut. 

Nie ŭsie punkty propusku adkrytyja 

Na miažy z Polščaj pracujuć dva punkty propusku: «Bierastavica — Babroŭniki» i «Ciarespal — Brest». Na miažy ź Litvoj adkrytyja ŭsie aŭtamabilnyja punkty propusku.

Punkt «Bruzhi», jaki raźmieščany kala Hrodna, zakryty z 9 listapada 2021 hoda. Tady takoje rašeńnie było pryniataje z-za mihracyjnaha kryzisu. 

Karanavirusnyja abmiežavańni

Z 28 sakavika 2022 hoda admienienyja ŭsie sanitarnyja abmiežavańni pry pierasiačeńni miažy z Polščaj. Pra heta paviedamiła polskaja pamiežnaja słužba.

U Litvu jechać možna tolki pry najaŭnaści PŁR-testu, zroblenaha na praciahu 72 hadzin da ŭjezdu abo pry najaŭnaści siertyfikata ab vakcynacyi pryznanymi ŭ ES vakcynami — Pfizer, Moderna, AstraZeneca, Johnson&Johnson.

Łatvija z 1 krasavika 2020 hoda spraściła ŭjezd u krainu na fonie palapšeńnia epidemijałahičnaj situacyi. Admienienaje patrabavańnie ab pradjaŭleńni siertyfikata ab vakcynacyi, dakumienta ab pieraniesienaj chvarobie abo testu. Razam z tym hetaje patrabavańnie zastaniecca abaviazkovym dla pasažyraŭ, jakija pryjazdžajuć z krain, što znachodziacca ŭ čyrvonaj zonie ryzyki.

Elektronnaja čarha na miažy

Pry vyjeździe ź Biełarusi pierad punktam propusku na śpiecyjalnaj stajancy farmujecca elektronnaja čarha. Jana dziejničaje va ŭsich adkrytych punktach na biełaruska-polskaj i biełaruska-litoŭskaj miažy, akramia «Pryvałki» kala Hrodna i «Łošy». Tam dziejničaje žyvaja čarha.

Franak Viačorka: Siarod achvotnych atrymać vizy šmat svajakoŭ čynoŭnikaŭ i siłavikoŭ

Dzie i jak chutka ciapier možna atrymać vizy ES u Biełarusi?

• 5
• 0
• 0
• 0
• 3
• 0
• 1
• 0